Иако во денешно време разводот станува сè почест, сепак последиците што тој ги има врз децата се исто толку штетни. Истражувањата покажаат дека, иако децата се навикнуваат на оваа ситуација со текот на времето, разводот може да има влијание на многу работи во нивниот живот, вклучувајќи ги и идните партнерски односи.
Како што потврдува студијата на истражувачите од Универзитетот Илиноис и Државниот универзитет во Флорида, чии резултати се објавени во The Huffington Post, факторите на ризик за повторување на родителските грешки во односите и сопственото искуство со развод се поголеми во споредба со оние кои не доживеале развод на родителите.
Исто така, психолозите предупредуваат дека децата чии родители се разведени имаат поголема веројатност да наидат на проблеми кои вклучуваат доверба во партнерските односи, односно недостаток од неа подоцна во животот.
Имено, научниците од Универзитетот МекКендри исто така ги испитале и ефектите од разводот на родителите и откриле дека кога детето по разводот покажува модели на однесување што ги примило од родителите, тоа ги интернализира своите чувства и има помала доверба во другите или недоверба кон сите партнерски односи во целина.
Студијата покажала дека возрасните жени имаат поголема веројатност да покажат страв од отфрлање, изневерување или повреда во врската, додека машките учесници генерално имаа помалку доверба во романтичната врска.
