Детските изливи на бес може да биде предизвик за родителите бидејќи понекогаш не се сигурни како на нив треба да реагираат. Едукаторката за воспитување и психолог Џејми Блох открива корисни насоки за родителите во такви ситуации. Таа открива четири причини зошто е важно да почекате да се смират тантрумите пред да се пристапи на решавање на проблемот.
1. Децата во овие ситуации не можат логично да расудуваат
Кога децата минуваат низ големи емоции, нивниот мозок поминува низ невролошки одговор кој им го исклучува префронталниот кортекс, односно нивната способност да постапуваат логично, истакнува Блох.
2. Во текот на нападот на бес не можат бистро да размислуваат
„Кога ќе решиме да предаваме во момент на големи емоции, мозокот на детето не е на мирно место“, вели психологот. Тоа значи дека не е вистинско време за учење и подучување.
3. Не се способни да учат во овие моменти
„Децата не можат да учат за време на силни емоции бидејќи кортизолот, хормонот на стрес, активира хормони кои го блокираат и го прекинуваат начинот на кој детето ги обработува информациите“, објаснува Блох.
4. На нивниот мозок му треба време да се смири
Во овие моменти клучно е да се одложи подучувањето и дисциплината, предупредува Блох. „Кога ќе оставиме да помине некое време, му даваме време на мозокот на нашите деца да се смири. После тоа тие ќе бидат поотворени за учење“, заклучува психологот.
