Препораките на ЕМА за употреба на вакцината
НЕ СЕ МЕНУВААТ
Комитетот за безбедност на Европската агенција за лекови (ЕМА) открил дека вакцината на Оксфорд-АстраЗенека против Ковид-19 може да предизвика невообичаени згрутчувања на крвта со ниски тромбоцити во крвта, но нагласува дека вкупните придобивки од вакцината во спречувањето на коронавирусот ги надминуваат ризиците од несакани ефекти.
Во соопштението на ЕМА се повикуваат здравствените работници и луѓето кои ја примаат вакцината „да останат свесни за можноста за појава на многу ретки случаи на згрутчување на крвта во комбинација со ниско ниво на тромбоцити во крвта во рок од 2 недели по вакцинирањето“
Комитетот рече дека биле пријавени 18 смртни случаи при прегледот на 62 случаи на CVST (згрутчување во синусите што ја исцедува крвта од мозокот) и 24 случаи на тромбоза на спланхничка вена (во стомакот).
Одлуката на ЕМА следува и по потегот на Германија, која минатата недела ја суспендираше употребата на вакцината АстраЗенека кај лица под 60 години по 31 извештај за CVST. Дваесет и девет од 31 лице биле жени на возраст од 20 до 63 години, а девет од пациентите починале, според извештајот на Ројтерс повикувајќи се на регулаторот на лекови во земјата.
Извршниот директор на ЕМА, Емер Кук, на прес-конференција рече дека агенцијата ќе ги додаде тромбите и нискиот број на тромбоцити на листата на можни несакани ефекти од вакцината, но додаде дека безбедносниот комитет „потврди дека придобивките од вакцината на АстраЗенека во спречувањето на Ковид-19 севкупно ги надминуваат ризиците од несакани ефекти“ и дека препораките на ЕМА за употреба на вакцината не се менуваат.
Во соопштението на ЕМА се повикуваат здравствените работници и луѓето кои ја примаат вакцината „да останат свесни за можноста за појава на многу ретки случаи на згрутчување на крвта во комбинација со ниско ниво на тромбоцити во крвта во рок од 2 недели по вакцинирањето“.
„Досега, повеќето од пријавените случаи се кај жени под 60 години во рок од 2 недели по вакцинирањето. Врз основа на моментално достапните докази, специфичните фактори на ризик не се потврдени“, се вели во соопштението, иако Кук рече дека нема јасен профил на ризик пронајден кога безбедносниот комитет ја разгледувал возраста и полот на луѓето кои ги пријавиле овие ретки несакани реакции. (Си-Ен-Ен)
