Мајчинството е напорна работа без работно време. Кога ќе погледнете околу себе, ви се чини дека некои жени оваа работа ја извршуваат зачудувачки лесно, додека некои трошат малку повеќе енергија да ги фатат сите конци в рака. Но, вистина е дека секоја мајка има свои падови, без разлика на организираноста, колку и да се децата добри и без оглед каков систем на поддршка има.
Еве со кои емоционални предизвици се соочила секоја мајка:
- Да се види своето дете повредено
Сите сигурно го помнат првото вакцинирање на детето. Неговиот плач, мешавина од болка, очај и недовера. Некои мајки велат дека и самите заплакле. Тој момент можеби е потрауматичен за мајката, отколку за детето. Еден ден ќе се случи и поголема повреда. Изгребано колено, крв, паѓање од велосипед… а кога детето ќе дотрча до вас расплакано барајќи утеха, секоја мајка посакува да има супер моќ со која ќе ја елиминира болката.
- Не можете секогаш да бидете секаде присутни
Кога бебето е мало, мама е тука да ги исполни сите негови потреби. Болка, глад, страв… секогаш сте тука. Но, како бебето полека расте и станува дете, развива сопствени интереси, стекнува свои пријатели. Ќе дојде моментот кога наместо дружење со мама, ќе избере дружење со некој друг и таков или сличен момент ќе ја растажи секоја мајка.
Мора да се помирите со фактот дека како детето расте, нема секогаш да бидете присутни со сите делови на неговиот живот.
- Се обидувате да бидете совршена мајка
Сте сакале да бидете совршена, но ете, нема прирачник за родителство, а сите луѓе, па така и најсовршените мајки, имаат маани. Можеби сте го подигнале гласот премногу пати, можеби понекогап нешто сте ветиле, а не испаднало баш како што замислиле
Секогаш, без оглед на сите обиди, ќе се најдете во ситуација во која нема да знаете што да правите и што е добро за вашето дете.
- Губите контрола над својот живот
Детето е центар на вашиот свет, но понекогаш ви недостасува да направите нешто непланирано, како одење во кино по работа или прошетка во сабота наутро, но вашето време сега е во целост посветено на некој друг и тоа знае да создава огромен притисок. Многу мајки се жалат на чувство на исклученост, осаменост или губење на животот кој некогаш го воделе, и тоа може да предизвика емотивен вртлог.
