Не е тајна дека ние возрасните на нашите момчиња им правиме голема услуга во смисол на емоционална поддршка. Општеството вели дека мора да бидат “цврсти“ и “силни“ и дека покажувањето емоции е за “слабите“ и девојчињата. Тоа често резултира со тоа да тие на крајот не знаат да изразат емоции како тага и незадоволство, бидејќи се научени како да ги потиснат, а знаеме дека тоа не е добор.
Истражувањата покажуваат дека момчињата всушност имаат потреба од поголема емоционална поддршка отколку девојчињата, но поради социјалните очекувања и родовите стереотипи, ние тоа не им го даваме. Постојат биолошки разлики на кои начин се развива мозокот кај момче и девојче. Всушност, момчињата се емоционално поранливи уште во матката.
Но, од некоја причина не зборуваме доволно за тие разлики, иако тие се патоказ за тој вид на емоционална поддршка која би требало да им ја пружиме на нашите момчиња. Станува се појасно дека, ако тоа не го направиме, и понатаму ќе ги доведуваме во опасност.
Според студијата на Себастијан Крамер, ‘Кревок маж“, објавена пред две децении, момчињата се во неповолна положба уште од зачнувањето. Според неговата студија, машките ембриони се поподложни на стресот на мајката, а машките фетуси се поподложни на работи како церебрална парализа. Момчињата имаат поголема веројатност да се родат предвреме, а и мртвороденоста е почеста.
По породувањето, поверојатно е дека кај новороденчињата ќе се покаже повисоко ниво на кортизол (хормон на стрес). При раѓањето, нивниот мозок е послабо развиен од девојчињата до шест недели. Момчињата продолжуваат да се развиваат побавно од девојчињата, дури и кога стареат. Крејмер напоменува: “Грижата за момчиња е генерално потешка“.
Момчињата понекогаш изгледаат како диви суштества – тие се гласни, возбудени, секогаш во движење – а тоа може да биде исцрпувачко, дури и во тие рани месеци. Но, во својот труд, “Сите наши синови: Развојна невробиологија и невроендокринологија на момчињата во ризик“, д-р Алан Шор, клинички психолог од Факултетот UCLA, ја истакнува важноста дека машкото новороденче создава позитивни односи со своите родители за својот емотивен развој.
“Бидејќи кај машките новороденчиња побавно созрева десниот дел на мозокот во првата година од животот, важно е посебното внимание и поврзаност на мајката со детето, за момчињата целосно социјално и емоционално се развијат“, нагласува д-р Шор.
Емоциите се човечка работа, а не родова работа. Како родител на момче, лесно е да падне во родова замка како “големите момчиња не плачат“.
Не признавајќи дека момчињата имаат чувства и знаејќи како да им обезбедиме соодветни начини да ги истражат оние сложени емоции што ги прават луѓе, ние само ги “програмираме“ да продолжат да го повторуваат проклетиот циклус на токсична мажественост и угнетување. Ако го сакате вашиот син, престанете да се обидувате да го направите силно и вистинско момче/маж и дајте му простор да биде целосно формирана, емоционално сигурна личност.
