Емоционалната интелигенција е способност за препознавање и управување со сопствените емоции,но и со емоциите на другите. Децата со висока емоционална интелигенција постигнуваат подобри оценки, остануваат подолго во образовниот систем и носат поздрави одлуки.
Емоционалната интелигенција е вештина која секое дете може да ја совлада. Повеќето експерти веруваат дека учењето на децата да бидат свесни за своите емоции е првиот чекор. Сепак, развивањето на свесноста за туѓите емоции понекогаш функционира побрзо и поефикасно на развојот на емоционалната интелигенција, како кај децата така и кај возрасните.
Еве четири мали навики на емоционално најинтелегентните деца.
1. Развиваат вештини за забележување емоции
На децата можете да им покажувате фотографии со портрети на луѓе со различни изрази на лицето. Децата треба да ги именуваат емоциите на ликовите, а за секој одговор доделувајте им поен, без разлика дали е точен. Важно е детето да ја воочи емоцијата.
2. Ги разбираат промените во расположението
Секој од нас може да се смее еден момент, а следниот да плаче. Емоционално интелигентните деца знаат да препознаат емоции и да разберат дека секој понекогаш поминува низ нив.
3. Можам да ги означат своите емоции
Побарајте од детето да се обиде да покаже како се чувствува со израз на лицето, а вие погодувајте. Нека кимне со главата кога ќе погодите, а нека ве поправи кога ќе погрешите. Поентата е да се научи детето да препознава и покажува одредени емоции.
4. Тие имитираат како вие се носите со вашите емоции
Секогаш кога ќе ви падне на ум, замолете го вашето дете да се обиде да препознае како се чувствувате. Во рок од 30 дена, може да забележите забележително подобрување на емоционалната интелигенција кај вашето дете.
Подучувањето на емоционална интелигенција е многу полесно отколку да го научите детето да чита, пишува, собира и одзема. Тајната е да знаете што да подучувате, а потоа тоа често да го подучувате. Следете ги овие четири чекори и ќе успеете.
