Научниците од Универзитетот Флорида Атлантик открија дека од 1990 година преваленцата на прекумерна тежина и дебелина кај децата речиси се удвоила ширум светот, погодувајќи ги сите континенти. Резултатите од студијата се објавени во The Maternal and Child Health Journal (MCHJ).
Многу земји во развој се соочуваат со двојно оптоварување на истовремена прекумерна тежина и недоволна исхранетост кај децата
Научниците ги анализирале медицинските податоци за преваленцата на дебелината ширум светот. Резултатите покажале дека во Јужна Европа, вклучувајќи ги и земјите како Грција, Италија и Шпанија, 10 до 15 % од децата страдаат од оваа болест. Во Источна Европа, стапката на раст е нешто побавна, но преваленцата на дебелината наскоро би можела да се изедначи со онаа на јужниот дел на континентот.
Светската здравствена организација (СЗО) ја класифицира дебелината како хронична болест со широки последици по здравјето. Таа не е само естетски проблем, туку комплексно здравствено прашање кое може да доведе до сериозни компликации и зголемен ризик од низа болести
На глобално ниво, речиси 50 % од децата со прекумерна тежина на возраст под пет години живеат во Азија, а околу 25 % живеат во Африка. Во Латинска Америка, околу 20 % од децата под 20-годишна возраст се со прекумерна тежина. Многу земји во развој се соочуваат со двојно оптоварување на истовремена прекумерна тежина и недоволна исхранетост кај децата.
Научниците, исто така, открија дека прекумерната тежина и дебелината кај децата во САД достигнуваат нивоа на епидемија и почнуваат да заземаат глобални размери на пандемија. Овие состојби доведуваат до хипертензија, зголемен ризик од дијабетес тип 2 и нарушувања на метаболизмот на липидите, што пак придонесува за развој на метаболички синдром.
Кај возрасните, прекумерната тежина го зголемува ризикот од срцеви заболувања, мозочен удар, заболување на црниот дроб, опструктивна ноќна апнеја, артритис и некои форми на рак кои денес се почесто се дијагностицираат кај помладите луѓе.
