Дисфункционалните црвени крвни зрнца (еритроцити) придонесуваат за оштетување на крвните садови што е забележано во случаи на тешка форма на Ковид-19, покажале лабораториските студии кои ги истражуваат начините за лекување на овој проблем.
Научниците сметаат дека кај многу пациенти, кои се хоспитализирани поради тежок облик на Ковид-19 настануваат оштетувања на ендотелните клетки што ги обложуваат крвните садови, што може да резултира со згрутчување на крвта, оштетување на органи и други здравствени компликации.
Експериментот е изведен на оригиналната форма на коронавирусот, па сè уште не е јасно дали црвените крвни зрнца се слично засегнати и во случај на инфекции предизвикани од други варијанти на SARS-CoV-2
Дисфункционалните еритроцити обично се деформирани, имаат слаби мембрани кои лесно се кршат или им недостасуваат ензими потребни за правилно функционирање и одржување на еластичноста, што им овозможува непречено да патуваат низ тесните крвни садови.
Нова помала студија спроведена во лабораториски испитување на крвта на 17 умерено тешко болни пациенти од Ковид-19 и 27 здрави доброволци ја потврди претпоставката за „длабока и трајна ендотелна дисфункција“, која се развила како последица на инфекцијата со коронавирус, објавија истражувачите во стручниот часопис „JACC: Basic to Translational Science“.
Во споредба со еритроцитите кај здрави луѓе, црвените крвни зрнца кај пациенти со умерена до тешка форма на Ковид ослободуваат помалку корисни молекули на азотен оксид и повеќе штетни молекули кои предизвикуваат воспаление, објасни еден од научниците кои ја спроведоа студијата, д-р Али Махди од Универзитетската болница Каролинска во Стокхолм.
- Тој и неговите колеги откриле дека во комбинација со покачени нивоа на одреден ензим, воспалителните молекули ја оштетуваат слузницата на крвните садови, што резултира со тоа што садовите не успеваат да се вратат во првобитната состојба на правилен начин
Д-р Махди рече дека забележаната дисфункција на еритроцитите може да се „поништи“ со помош на лекови кои го враќаат нормалното ниво на ензими и го ограничуваат производството на штетни молекули.
Тој рече дека се уште не се знае дали наодите од епрувета можат да се повторат во истражување врз пациенти.
Експериментот е изведен на оригиналната форма на коронавирусот, па сè уште не е јасно дали црвените крвни зрнца се слично засегнати и во случај на инфекции предизвикани од други варијанти на SARS-CoV-2.
