Студијата, чии резултати се објавени во списанието Behavior Research Methods, била спроведена од група британски научници од Универзитетот во Бристол и покажала дека многу малите бебиња препознаваат различни форми на хумор преку игра базирана на активности како скокоткање, играње криенка, правење гримаси или кога некој зборува со „необичен“ глас.
Студијата исто така открила дека бебињата под една година уживаат да ги забележуваат реакциите на другите луѓе. Среќни се, на пример, кога ќе видат колку некој е исплашен. Истражувачите, исто така, го набљудувале она што децата на возраст од две и три години го сметаат за смешно, забележувајќи дека категоријата бебиња ужива во „бесмислен хумор“, додека тригодишните деца уживаат во игра на зборови, трикови и груби зборови.
Тие откриле и дека социјализацијата е клучна за децата да развијат смисла за хумор, што исто така помага да ги подобрат нивните други когнитивни вештини, како што е имагинацијата.
Д-р Елена Хоичка, вонреден професор на Универзитетот, вели дека нивните резултати нагласуваат дека хуморот е сложен процес кој се развива во првите четири години од животот.
Со оглед на неговата универзалност и важност во многу аспекти од животот на децата и возрасните, важно е да развиеме алатки за да одредиме како се развива хуморот за да можеме дополнително да ја разбереме не само појавата на хуморот, туку и како хуморот може да им помогне на децата кога станува збор за когнитивно, социјално и ментално здравје.
