Иако навидум е секојдневен гест, прегратката и општо физичките изрази на нежности, имаат огромна улога во емоционалниот развој на децата. Но, знаете ли зошто треба да ги гушкаме децата тогаш кога се однесуваат “грозно“? Одговорот е едноставен! Прегратките се најдобриот начин за поттикнување на децата на соработка низ меѓусебна поврзаност.
Иако сите деца не сакаат гушкање или физички допир кога се вознемирено, принципот “прв поврзи се“, сепак функционира за повеќето деца. Ако вашето дете не може да поднесе физички допир, пронајдете друг начин веднаш да се поврзете – седнете покрај него, клекнете под него или едноставно фатете го за рака. Ако вашето дете има тантрум или испад на бес, еве како методата на прегратка може да помогне.
Дојди брзо
Трикот во користење на прегратката е во тоа што треба брзо да реагирате. Ако чекате предолго, веројатно ќе се чувствувате премногу фрустрирани, а со тоа ќе ја изгубите желбата за физички да се поврзете. Ова е нормално (сите имаме свои граници), затоа не се обвинувајте себеси ако тоа ви се случи. Само обидете следниот пат да бидете побрзи. Замислувајќи се себеси како брзате, ќе ви помогне да го видите пркосот или испадот на вашето дете како момент во кој навистина сте му потребни. Бидете тука за него.
Само прегрни!
Ова не е време за морализирање или критикување. Кога брзате кон вашето дете со прегратка, единственото нешто на што треба да се фокусирате е да се поврзете со него. Воспитните лекции оставете ги за подоцна. Само гушнете го. Цврсто.
Почувствувај смиреност
Ова е прекрасен дел. Останете во прегратка и почувствувајте смиреност. Ќе забележите како рамениците на детето се спуштаат. Можеби нивните раце ќе ве обвиткаат. Тој момент е навистина неверојатен и моќен.
Сега можете да разговарате + останете во близина
Кога двајцата ќе се смирите, разговарајте за тоа што се случило. Ако детето удрило мачка, време е да зборуваме за тоа како се чувствува мачката. Но, треба да почекате додека не бидете сигурни дека вие и детето нема повторно да се вознемирите. Понекогаш може да биде потребно време. И тоа е во ред. Останете блиску до детето во текот на целиот разговор.
Бидете трпеливи со детето, но и со себе
Доколку досега не сте го практикувале овој метод, можеби ќе се чувствувате чудно. Но, ветуваме дека првиот пат кога ќе побрзате со прегратката, ќе бидете изненадени од новиот одговор на детето. Не се чувствувајте лошо ако детето не сака секогаш да се гушка. Но, тоа секогаш поттикнува поврзување. Методот на прегратка е корисен секогаш кога детето лошо се однесува лошо или изливи на гнев.
Прегратката нека биде првиот чекор во дисциплината. Не само што детето ќе се чувствува смирено, туку и вие ќе стекнете смиреност и самодоверба кои ќе ви помогнат да ги надминете сите предизвици на родителството. Запомнете, кога нашите деца имаат испади, не повредуваат тие кога веќе не знаеме што да правиме и како да постапиме и ние сме тие на кои им треба прегратка за да се смириме и да воспоставиме врска.
