За децата да научат да одат како возрасни, потребно е да достигнат одредена моторна зрелост, но и да постојат соодветни услови во кои тоа може да се случи. Пред се, неопходно е присуството на возрасен и неговата поддршка, што ќе придонесе за самодоверба на детето, но и добро осмислен простор за негов целодневен престој. Во овој простор детето треба да има слобода на движење и играчки кои ќе стимулираат подвижност, сила, брзина, издржливост, рамнотежа, координација… се што му е потребно за целосно да го развие својот потенцијал.
ФАЗА 1 – Седење (4-7 месеци)
Откако бебето ќе почне самостојно да седи, почнува развивањето на мускулите кои подоцна ќе и помогнат и самостојно да стои. Во овој период бебето го учите што повеќе самостојно да седи, така што со него ќе играте додавање топка или едноставни игри на сложување додека бебето седи.
ФАЗА 2 – Лазење (7-10 месеци)
Во овој период за бебето е многу важно да научи како истовремено да ги движи и рацете и нозете. Овие вештини на децата посебно ќе им значат во периодот кога ќе учат да одат. Поттикнете го бебето да плози што повеќе, така што ќе и пофалите и охрабрите за секое направено движење.
ФАЗА 3 – Подигнување (8 месеци)
Сега кога се силни и љубопитни, бебињата набрзо почнуваат да се подигаат на нозе, придржувајќи се на мебелот или родителите. Во овој период потребно е да им помогнете за правилно да одржат рамнотежа. Помогнете им сами да се подигнат, потоа покажете им како да ги свиткаат колената и така да се спуштат на под.
ФАЗА 4 – Одење со помош на родителите (8-9 месеци)
Бебињата набрзо откако ќе се подигнат и создадат рамнотежа, често најстојуваат и сами да ги направат своите први чекори, држејќи ве вас за рака. На тој начин ќе се ослободат од стравот, подоцна и сами да се обидат. Вежбајте што е можно повеќе, оти колку повеќе време минуваат на нозе, ќе се чувствуваат посигурно и сами да го направат првиот чекор.
ФАЗА 5 – Самостојно стоење (9-12 месеци)
Ако вашето бебе почнало самостојно да стои, значи дека развило доволно чувство за рамнотежа како наскоро би можело и да оди. Сега е важмо да го охрабрите и да му помогнете што повеќе да стои. Седнете со бебето заедно на под, и потоа заедно станете. Мерете го времето колку долго може да стои и пофалете го по секој обид.
ФАЗА 6 – Први самостојни чекори (9-12 месеци)
До првите самостојни чекори на бебето, потребни се многу пофалби и охрабрувања. Додека седите придржувајте го бебето и помогнете му додека само не воспостави рамнотежа, а кога тоа ќе се случи оставете го само да оди.
ФАЗА 7 – Одење (12-15 месеци)
До оваа фаза потребно е неброено многу обиди и падови. Имајте на ум дека некои бебиња во овој период повеќе сакаат да ползат или се уште не се чувствуваат доволно сигурни сами да проодат. Во овој период избегнувајте да ги поставувате во седечка положба, туку поттикнувајте ги да се подигнат на нозе и сами да се обидат да направат чекори.
