Целиот свет е восхитен од францускиот начин на живот и сите сакаат да ја откријат тајната на францускиот шарм. Памела Друкерман, открива како Французите ги воспитуваат децата. Се знае дека децата се учат на трпение, но и дека не постои “храна за деца“.
- Спијат цела ноќ
Друкерман забележила дека бебињата во Франција спијат цела ноќ, додека во САД новороденчињата често се будат, па се запрашала зошто тоа се случува. Таа открила дека родителите во Франција вежбаат нешто што се нарекува “пауза“. Ако родителите тоа го прават во текот на првите два месеци, детето ќе научи самостојно да заспие.
“Дајте му на своето бебе можност да се смири, не реагирајте автоматски, дури ни на почетокот. И возрасните се будат во текот на ноќта, но подоцна не се сеќаваат на тоа. Некои француски родители чекаат пет минути, некои помалку или повеќе. Ако детето заплаче по неколку минути, значи дека нешто му треба“, вели Друкерман.
- Учат да јадат се од мали нозе
Французите велат дека ако детето одбива некоја храна, родителите треба да причекаат неколку дена, а потоа повторно да му ја понудат истата.
“Разговорот за храна треба да ги надмине речениците како “ми се допаѓа“ и “не ми се допаѓа“. Французите предлагаат на детето да му се покаже некој зеленчук, и со него да се разговара за вкусовите на храната. На што ги подсетува тој вкус, дали е кркаво, каков звук создава кога се јаде. Во Франција не постои детска храна“, вели Друкерман.
- Користат четири магични збора
Децата во Франција мораат да ги користат “четирите магични збора“. Тоа се: молам, благодарам, добар ден/утро/ноќ и довидување. Една од доблестите што мораат да ја научат е и трпението.
- Одвоен идентитет од детето
“Ако детето ви е единствена цел во животот, тоа не е добро за детето. Во многу култури, детето се става во центарот на семејството, во Франција не е така“, објаснува Друкерман.
- Децата имаат слобода
Родителите во Франција настојуваат да бидат многу јасни кај неколку клучни работи, а во рамките на тоа им даваат на децата слобода. На пример:
- Пред спиење мораат да останат во своите соби, а во нив може да прават што сакаат
- За време на викенд, телевизија може да гледаат само два часа, но сами одлучуваат што ќе гледаат
- За време на оброкот, мораат се да пробаат, но не мора се да изедат.
