Мукормикозата е вид на габична инфекција која се јавува ретко, но може да биде многу сериозна. Инфекцијата го ослабува имунитетот и затоа е важно навремено да се лекува. Ако не се лекува, мукормикозата може да биде фатална.
Се манифестира како респираторна инфекција или инфекција на кожата. Ако се манифестира како респираторна или синусна инфекција, може да се појават симптоми како што се кашлица, треска, главоболка, затнат нос и воспалени синуси.
Ако се манифестира како инфекција на кожата, може да се појави на кој било дел од телото. Во овој случај, се јавуваат симптоми кои вклучуваат зацрнето ткиво на кожата, плускавци, треска, црвенило, оток и чиреви.
Мукормикозата е предизвикана од изложеност на мукормицети. Овие организми се наоѓаат во лисјата, компостот, почвата и скапаните дрвја. Едно лице може да се зарази ако ги вдише спорите на габата, а инфекцијата може да се развие во централниот нервен систем, очите, лицето, белите дробови и синусите.
Состојби кои можат да го зголемат ризикот од инфекција вклучуваат изгореници, посекотини, рак, неодамнешна трансплантација на органи, ХИВ или СИДА, дијабетес и хирургија.
Луѓето кои имаат мукормикоза обично не се ни свесни за тоа. Ако се сомневате дека имате било каков вид на инфекција, најдобро е да одите на лекар.
Мукормикозата се манифестира како респираторна инфекција или инфекција на кожата. Ако се манифестира како респираторна или синусна инфекција, може да се појават симптоми како што се кашлица, треска, главоболка, затнат нос и воспалени синуси. Ако се манифестира како инфекција на кожата, може да се појави на кој било дел од телото. Во овој случај, се јавуваат симптоми кои вклучуваат зацрнето ткиво на кожата, плускавци, треска, црвенило, оток и чиреви
Мукормикозата брзо се шири во телото и ако не се лекува може да предизвика инфекција на мозокот, парализа, пневмонија, напад или смрт. Третманот на оваа инфекција во голема мера зависи од тоа дали е дијагностицирана на време.
Треба да се напомене дека мукормикозата е исклучително ретка појава. Покрај тоа, мукормикозата не е заразна, па затоа не можете да ја добиете од заразено лице, пишува Healthline.
Но, Индија, која е погодена од голем број на лица заразени со коронавирус, исто така се соочува со се поголемен број на луѓе кои исто така добиле и мукормикоза, која ги напаѓа оние кои се опоравуваат или се опоравиле од ковидот. Ги напаѓа синусите, очите, мозокот и белите дробови и може да биде фатална за дијабетичарите или оние со рак и СИДА.
Стероидите го намалуваат воспалението во белите дробови кога станува збор за Ковид-19 и се покажа дека помагаат во спречување на штетата која може да се појави во организмот кога имунолошкиот систем ќе се „прегрее“ во борбата против коронавирусот. Но, тие исто така можат да предизвикаат и пад на имунитетот и да го зголемат нивото на шеќер во крвта и кај дијабетичарите, но и кај оние кои не се дијабетичари, а се разболеле од Ковид. Се верува дека токму овој пад на имунитетот е предизвикувач за случаи на мукормикоза.
Единствениот начин да се спречи оваа габична инфекција е да се осигура дека пациентите со Ковид во текот на лекувањето и за време на закрепнувањето добиваат стероиди во вистинска доза и во соодветен временски период, според еден лекар од Мумбаи.
