Постои ли начин да дознаеме дали сме имале коронавирус, без да знаеме дека сме заразени? „Во овој момент не постои тест кој би го докажал тоа“, објаснува американскиот доктор Вилијам Хилман од Општата болница во Масачусетс, за британски „Гардијан“.
„Развиваме тестови за антитела за да провериме дали некој претходно бил заразен, но тие се уште не се подготвени за клиничка употреба. Единствениот сигурен начин да дознаете е да се тестирате додека сте заразени“, објаснува д-р Хилман.
Коронавирусот има различен спектар на симптоми, вели докторот. „Постојат луѓе кои дури немале ни симптоми. Исто така, има и такви кои имале многу благи симптоми слични на настинка: течење на носот, блокада на синусите, болки во грлото. Има и онакви кај кои симптомите биле како да имаат тежок грип: висока температура, болки во мускулите, краток здив и кашлица. Но, некои пациенти имале и тешки респираторни затајувања и им била потребна интензивна нега“, додава д-р Хилман.
- (Забелешка на уредникот: Неодамнешните истражувања сугерираат дека губењето на мирис и вкус се исто така знаци на инфекција со Covid-19).
