ОДГОВАРААТ:
Д-р Џон Карл, педијатар-пулмолог во клиниката „Кливленд“
Д-р Акико Ивасаки, професор по имунологија на универзитетот „Јеил“
Д-р Грегори Поланд, експерт за вакцини и интернист на клиниката „Мајо“
♦♦♦♦♦♦♦
Училиштата се затвораат низ целиот свет, а семејствата поминуваат повеќе време заедно. Како може да ги заштитиме децата од коронавирус и дали може да не заразат? – на овие и други прашања одговараат тројца експерти за британски „Гардијан“
♦♦♦♦♦♦♦
-
Што знаеме за ризиците на Ковид-19 за децата?
Д-р Акико Ивасаки: Децата се дефинитивно изложени и се заразуваат со овој вирус… Тие мора да бидат хоспитализирани, а некои од нив треба и да се интубираат. Значи, не е точно дека децата се комплетно резистентни, но смртноста е многу помала отколку во другите возрасни групи. (Забелешка на уредникот: Неодамнешна студија покажа дека од над 2.000 потврдени и сомнителни случаи на деца во Кина, скоро 6% се разболеле сериозно, а едно 14-годишно момче со потврден случај починало.)
За постарите деца, дополнително покрај хигиената на рацете и „респираторна етикета“ (покривање на носот и устата додека кашлате или кивате), научете ги и за навиките кога одат во тоалет. Работата која луѓето не ја знаат се однесува на „тоалетниот облак“. Кога ќе пуштите вода во шолјата со отворен капак, вие го распрснувате вирусот над секоја површина во тоалетот
-
Треба ли да се грижиме дека децата ќе го шират Ковид-19 на другите?
Д-р Џон Карл: Веројатноста е веројатно повисока бидејќи за деца кои се на доенечка возраст, постои поголема потреба од директен контакт за да се контролираат каде се во моментот. Значи, социјалното дистанцирање станува малку потешко.
-
Дали е можно да се заразите додека менувате пелени?
Д-р Грегори Поланд: Кај возрасните, 3-5% од инфицираните лица го излачуваат вирусот во нивната столица. Немам никакви податоци, но нема причина да мислам дека истото не се случува и кај децата. Затоа, би бил претпазлив и би се однесувал со пелените како да се веќе контаминирани. Фрлете ги во пластична кеса и измијте ги рацете.
За постарите деца, дополнително покрај хигиената на рацете и „респираторна етикета“ (покривање на носот и устата додека кашлате или кивате), научете ги и за навиките кога одат во тоалет. Работата која луѓето не ја знаат се однесува на „тоалетниот облак“. Кога ќе пуштите вода во шолјата со отворен капак, вие го распрснувате вирусот над секоја површина во тоалетот.
-
Дали треба да ги држиме децата подалеку од бабите и дедовците? Што ако бабата или дедото е примарен негувател?
Д-р Џон Карл: Ако тие покажуваат симптоми, да. Проблемот е, се разбира, ако тие имаат многу поблаги симптоми од оние кои се вообичаени кај возрасните, тогаш е помалку очигледно дека тие самите можат да бидат заразени.
Кај возрасните, 3-5 % од инфицираните лица го излачуваат вирусот во нивната столица. Немам никакви податоци, но нема причина да мислам дека истото не се случува и кај децата. Затоа, би бил претпазлив и би се однесувал со пелените како да се веќе контаминирани. Фрлете ги во пластична кеса и измијте ги рацете
Д-р Акико Ивасаки: Затоа јавно-здравствените мерки за затворање на училиштата и дневните центри треба да се случат веднаш. На тој начин, децата нема да бидат изложени на вирусот и ќе можат да живеат и да бидат чувани, згрижени од бабите и дедовците, без ризик да го донесат вирусот дома. Колку порано се направи тоа, на толку помал ризик ќе бидат изложени бабите и дедовците.
-
Дали е безбедно да се посетуваат детските игралишта?
Д-р Џон Карл: Апсолутно е корисно и за менталното здравје на родителите и за детето, во ограничено времетраење да се излезе надвор. Одете на прошетка, прошетајте го кучето…
-
А што е со одењето и играњето на гости? Или ако некој пријател или сосед не замоли да му го причуваме детето?
Д-р Акико Ивасаки: Таквите договорени средби за играње се лоша идеја во моментов. Секако, во кое било друго време, би било многу убав гест да го причувате детето на пријателот или соседот, но во моментов не им дозволувам дури ниту на моите деца да си играат со децата на пријателите или соседите.
-
Како може да се изолирате од сопствените деца ако некој од вас бил изложен?
Д-р Џон Карл: Ако има друг родител во домаќинството што може да ја преземе одговорноста, тогаш тоа лице станува примарен негувател, барем на некое време. Но, мијте ги рацете, обидете се да не кашлате над шпоретот ако готвите – вие ќе мора да ги правите сите потребни работи за да го поминете денот, но тргајте се настрана колку што е можно повеќе. Изолирајте се во вашата спална соба.
Веројатно најголемото прашање, што е нешто што и Американската академија за педијатрија во секој случај не би го одобрила е заедничкото спиење. Ова е веројатно огромен фактор на ризик.
Многу е полесно кога децата се постари. Јас имам 20-годишник кој пред четири или пет дена се врати дома од колеџ со вирусна респираторна инфекција и блага треска. Ние инсистираме прилично строго дека тој мора да остане во изолација во неговата соба колку што е можно повеќе. Го проверувам моето здравје на работа, редовно ја следам мојата температура, за да можам да останам во форма и да продолжам со прегледување на пациенти. Јас немам никакви симптоми во моментот, а повеќе од сигурно е дека сакам максимално да ги заштитам моите пациенти.
Д-р Грегори Поланд: Едно нешто што е навистина, навистина важно е да ги научите луѓето како да си ги мијат рацете. Сите мислат дека знаат како. Никогаш, ама баш никогаш не сум видел лаик (обичен човек) да ги измие рацете правилно.
