Приоритетот за вакцинирање против новиот коронавирус треба да се одредува според бројот на контакти на некое лице, оти тоа “би имало многу поголем ефект“ на пандемијата, вели германскиот имунолог Михаел Мајер-Херман.
Мајер-Херман од Центарот за истражување на инфекции во Брауншвајг истакнува дека вакцинирањето првенствено на повозрасните лица, што се применува во повеќето земји, значајно да намалило стапката на смртност, но со оглед дека таа група има најмалку контакти, тоа немало поголем ефект на пандемијата.
Тој е убеден дека бројот на случаи на КОВИД-19 пациенти ќе “експлодира“, посебно ако се следат случувањата во Ирска, Велика Британија, Португалија и Чешка.
Гернот Маркс, кој е претседател на Здружението за интензивна нега вели дека пандемијаѕа наскоро би можела да заврши, ако значајно се забрза програмата за вакцинирање и ако луѓето ги почитуваат правилата.
“Ќе ја победиме пандемијата до крајот на септември“, вели Маркс и додава дека тоа може да се случи веќе на средината на летото, и тоа на основа на податоците од Израел кои покажуваат дека оние кои се вакцинирани, повеќе не ја пренесуваат заразата на други.
Но, тој истакна дека луѓето треба да продолжат да носат маски во гужви и дека оснатаите ограничувања треба да останат за да не се поништи досегашниот напредок.
