Истражување спроведено во САД на повеќе од 320.000 деца покажало дека гестацискиот дијабетес (дијабетес поврзан со бременост) е поврзан со умерено поголем ризик од развој на нарушување од спектарот на аутизам.
Имено, се покажало дека развојот на гестациски дијабетес во текот на првиот или вториот триместар од бременоста го зголемува ризикот од развој на аутизам кај фетусот.
Инаку, во САД гестациски дијабетес се јавува кај 9 проценти од трудниците, а секое 68-то дете страда од аутизам.
Исто така, треба да се напомене дека ова истражување покажало дека немало зголемен ризик од аутизам кај жените на кои им бил дијагностициран дијабетес тип 2 пред бременоста.
Извор: Journal of the American Medical Association
