Главоболките во детската возраст се јавуваат релативно често. Најчесто се работи за безопасни симптоми кои се јавуваат во состав на воспаление на дишните патиша проследено до температура.
“Главоболката може да биде предизвикана од бактериско воспаление на слузницата на горните дишни патишта, грип, но и други вируси. Главоболката, често се јавува и при инфекциска мононуклеоза и варичела“, објаснуваат педијатрите. Но, општата состојба на детето, со примена на лекови против болка, чистење на носот и инхалации, е релативно добра, детето не е малаксано и сака да јаде и да пие.
Според педијатриската пракса, најчесто во училишната возраст, поретко во предучилишната, се јавуваат тн.н тензиски главоболки – главоболки поради емоционална напнатост (одење во градинка или училиште, училишни обврски). По правило, детето е во добра општа состојба, нема мачнини и во периодот кога не е на училиште, пречките исчезнуваат. При таквите главоболки, треба на детето да му се обезбеди доволно време за сон и одмор.
Сепак, се препорачува да се исклучи органската причина на болките (болест) и да се консултира психолог. Ако станува збор за долготрајни или силни главоболки проследени со општа лоша состојба, осип, мачнина или повраќање – треба дасе обратите на лекар без одложување, предупредуваат педијатрите.
Според лекарите, главоболката може да биде знак за тешка и по живот опасна болеста, затоа е неопходно внимание.
Ако главоболката не престанува и по примена на лекови против болка, ако општата состојба на детето е лоша, ако има висока температура и поврача, тогаш треба итно да се побара лекрска помош. Во наведената ситуација треба да се исклучи воспаление на мозочната обвивка и мозокот – менингитис и енцефалитис. Во случај да се утврди постоење на воспаление, важно е да се почне лекувањето што побрзо, оти на тој начин се зголемуваат шансите за целосно излекување, без последици.
