Опстипацијата може да биде симптом за бројни болести, но во повеќето случаи е од функционална природа и може со едноставни методи да се ублажи.
Долготрајното седење на веце-школката и неможноста да се испразни столицата не е безопасно и претставува аларм за негово третирање. Опстипација е второ име за запек или застој на столицата. Тоа е нередовно и ретко празнење на столицата. Столицата е сува, тврда и количински мала, заради долгото задржувања во системот за варење.
Моето дете има столица секој втор ден, дали е тоа нормално?
Бројот на столици зависи од возраста на детето. Се смета дека помалите деца имаат поголем број столици отколку постарите. Децата кои се исклучиво на мајчино млеко, може да имаат столица по секој подој, но и изостанок повеќе дена. Доколку не постојат дополнителни симптоми за оваа болест, тоа се смета за нормална појава.
Фреквенцијата на столицата се стабилизира околу четвртата година од животот.
Тогаш обично се јавува една столица на ден, но може да биде и секој втор ден, што зависи од бројни фактори.
Зошто моето дете не може да изврши голема нужда?
Доколку се најдете пред ваков проблем, не правете предвреме паника, бидејќи загриженоста и стравот пренесени на детето дополнително ја отежнуваат ситуацијата. Потребно е да се следи општата состојба на детето, бојата и конзистенцијата на столицата.
-
Опстипацијата може да биде симптом за бројни болести, како што се целијакија, алергија на кравјо млеко, вродени аномалии на анусот и ректумот, цистична фиброза и бројни други. Во повеќето случаи, причините се од функционална природа.
Најчести причини за опстипација се промени во начинот на исхрана, неправилна исхрана и недоволен внес на течности.
- Со болката во стомакот, се јавува и болка при стискањето и обидот да се испразни столицата. Ако детето почувствува болка, се ќе направи само таа болка и непријатност да престанат, па затоа намерно ја задржува столицата.
- Несоодветни услови за дефекација и присутност на туѓи лица исто така може да доведе до опстипација.
- Одвојувањето од родителите, одење во градинка или училиште, како и промена на местото на престој, претставуваат стрес за детето и може да се одрази на неговата столица.
- Одвикнувањето од пелени е голем чекор во животот на детето. Преголемиот притисок од страна на родителите делува одбојно за детето и исто така може да биде причина за опстипација.
Понекогаш е доволни само слива
Прв и најважен чекор е да се воспостави правилна исхрана богата со влакна и да се отстранат намирници кои предизвикуваат опстипација. Понекогаш е доволно на детето да му дадете кашичка од сливи, бидејќи брзо поттикнува празнење на цревата. Потрудете се детето да пие повеќе течности. Изнесете го на свеж воздух и зголемете му ги физичките активности. Без оглед на тоа што детето нема нагон за празнење, редовно ставајте го на нокшир и потсетувајте го дека треба да се испразни. Бидете покрај детето, пружете му љубов,поддршка и сигурност, охрабрете го, бидејќи понекогаш тоа најмногу помага. Бидете упорни во тоа, бидејќи е потребно и неколку недели за столицата да се стабилизира. Доколку столицата не се воспостави, побарајте помош од лекар.
