Истражувањето покажало дека децата под 10-годишна возраст имале приближно половина веројатност отколку возрасните да го шират вирусот на други, што е во согласност со неколку други студии од Европа и Азија. Меѓутоа, децата во основно и средно училиште имале поголема веројатност да заразат други отколку возрасните
Нова студија открива дека постарите деца го пренесуваат коронавирус на други лица, исто како и возрасните, спротивставувајќи се на перцепцијата дека COVID-19 влијае помалку на младите луѓе отколку на постарите лица.
Студијата, објавена во четвртокот од Корејските центри за контрола и превенција на болести, заклучува дека децата до 10-годишна возраст го шират COVID-19 многу помалку за разлика од возрасните. Сепак, децата на возраст од 10 до 19 години имаат иста веројатност како и возрасните да го пренесат вирусот на некој друг.
Истражувачите од Јужна Кореја идентификувале 5.706 лица кои биле први во нивните домаќинства кои пријавиле симптоми на COVID-19 помеѓу 20 јануари и 27 март, заедно со 59.073 лица со кои биле во контакт. Истражувачите ги тестирале сите контакти во домаќинството на секој пациент, без оглед на симптомите, но ги тестирале само симптоматските контакти надвор од домаќинството.
Децата под 10-годишна возраст имале приближно половина веројатност отколку возрасните да го шират вирусот на други, што е во согласност со неколку други студии од Европа и Азија. Меѓутоа, децата во основно и средно училиште имале поголема веројатност да заразат други отколку возрасните, покажала студијата.
Истражувачите објаснуваат дека првиот човек во домаќинството што развил симптоми не е нужно првиот што бил заразен. Тие исто така забележаа дека студијата може да го потцени бројот на деца кои го пренеле вирусот во рамките на нивните домаќинства бидејќи децата имаат помала веројатност од возрасните да покажат симптоми. Сè уште е нејасно како асимптоматските деца го шират вирусот.
Студијата потенцира дека почитувањето на препораките за заштита од вирусот, вклучително и миењето раце, физичко растојание и ефикасно следење на контактите остануваат „најдобри опции за превенција“ во идните бранови на инфекции со COVID-19 додека училиштата се подготвуваат за повторно отворање
„Улогата на пренесувањето во домаќинствата на SARS-CoV-2 во услови на повторно отворање на училиштата и олабавување на социјалното дистанцирање ја потенцира потребата за временски чувствителна епидемиолошка студија за водење на јавна здравствена политика“, се вели во студијата.
Студијата објаснува дека постарите деца се со поголема веројатност да го шират коронавирусот делумно заради нивната висина. Помладите деца имаат поголема веројатност да издишуваат помалку воздух и да издишат поблизу до земјата каде што има помалку луѓе кои може да се заразат, според студијата.
Истражувачите исто така нотираат дека постарите деца се со помала веројатност да водат толкава грижа за хигиената колку и возрасните и би можеле да бидат позаразни бидејќи можеби не преземаат соодветни мерки на претпазливост за да го спречат ширењето на вирусот. Студијата вели дека постарите деца исто така имаат поголема веројатност да се дружат без да ги следат упатствата за физичко растојание за разлика од возрасните.
Студијата потенцира дека почитувањето на препораките за заштита од вирусот, вклучително и миењето раце, физичко растојание и ефикасно следење на контактите остануваат „најдобри опции за превенција“ во идните бранови на инфекции со COVID-19 додека училиштата се подготвуваат за повторно отворање.
Авторите на студијата предупредуваат дека повторното отворање на училиштата може да доведе до зголемување на бројот на заболени.
И додека новата студија не дава конечен одговор дали е безбедно децата да се вратат на училиште, нејзините истражувачи посочуваат дека повторното отворање на училиштата претставува ризик за заедницата.
