Доколку детето е помало од две години, ставете го во неговата висока столица, покажувајте му ги намирниците и алатките за работа, коментирајќи што е што и што следно ќе направите. Така, вниманието на бебето ќе биде насочено кон она што го работите, а во исто време ќе учи сложени зборови.
Дајте му на бебето измиено и излупено овошје или зеленчук за да може со нив да си игра. Тоа е идеална можност да проба нов вид на храна.
Дете кое наскоро ќе наполни две години, со ваша помош може да става зеленчук во тенџерето или садот што го користите, или пак да ги меша намирниците.
Од две до четири години
Ова е време на говор. Детето може да одговара на прашања: “Те молам, може ли да ми го подадеш компирот. Не тој, туку помалиот“. Детето развива сетило на искуство – студено пред готвење, топло по подготовката, сурово, варено, солено, слатко.
Можете да направите и како игра со детето, така што ќе побарате од него да ги почувствува мирисите и вкусовите со отворени очи, а потоа да ги бара и препознава со затворени очи.
Малку повозрасното дете запознајте го со логика. Готвејќи, тоа разбира: половина, средина, иста количина, двојна количина. Освен тоа, може да ви помага да сервира зеленчук на чинијата или да проба свој личен рецепт. Имено, секое дете се чувствува задоволно ако може да направи нешто добро и убаво.
