♦♦♦♦♦♦♦
По половина година, градинките денеска повторно ќе ги отворат своите врати. Приближно 15.000 дечиња на самохрани родители и родители чии работни обврски мора да се извршуваат на самото работно место, наместо од дома ќе бидат згрижени според строго пропишан протокол за активности во установите за згрижување и воспитание на деца – градинки и центри за ран детски развој.
Кога доаѓате да го земете детето, избегнувајте физички контакт со вработените, други родители или деца кои не се ваши. Обидете се да бидете оддалечени најмалку 2 метри од другите луѓе
Доколку се почитуваат, освен од COVID-19, мерките во градинките ќе спречат ширење и на други инфекции, изјави вчера д-р Никола Пановски за „Канал 5“. Тој смета дека иако ризикот постои, сепак, тој не е голем за дечињата и дека градинките уште порано требало да бидат отворени.
Согласно протоколот за активности во установите за згрижување и воспитание на деца – градинки и центри за ран детски развој, меѓу другото предвидено е да се дезинфицираат прекинувачите, кваките на вратите, мијалниците, масите, столовите на секои два часа во текот на денот, подовите во објектот да се бришат во текот на денот повеќе пати, а теписоните каде што постои можност да се отстранат, вработените и децата секојдневно да мерат температура, активностите во дворот да се реализираат така што ќе се избегне меѓусебен контакт на различни воспитни групи на деца во исто време, да се обезбеди растојание од 1,5 – 2 метри меѓу масите за седење на децата…
- Повеќе за протоколот за активности во установите за згрижување и воспитание на деца – градинки и центри за ран детски развој прочитајте ТУКА.
Обрнете внимание и на следниве неколку работи:
- Не дозволувајте детето да носи играчки од дома во градинка;
- Бидете сигурни дека детето добро ги мие рацете секој пат кога ќе се врати од градинка;
- Немојте да се обидувате да влегувате внатре во просторијата (не е дозволено) да го облечете детето, почекајте надвор и оставете ги воспитувачките да му помогнат;
- Кога доаѓате да го земете детето, избегнувајте физички контакт со вработените, други родители или деца кои не се ваши. Обидете се да бидете оддалечени најмалку 2 метри од другите луѓе.
