Популарните совети за врски често се фокусираат на стратегии како да се привлече или задржи партнер, но таквиот пристап може да биде погрешен. Наместо „лов на партнер“, клучно е да се бара рамноправна врска заснована на здрави основи и самопочитување. Поставувањето јасни граници од самиот почеток е основа за градење здрава и долгорочна врска.
Секој родител треба да ѝ даде на својата ќерка совети и знаци за вистинска љубов. Лиса Каплин, психолог и сертифициран професионален тренер која помага на луѓето да се справат со стрес и преоптовареност за да најдат задоволство во личниот и професионалниот живот, наведе шест граници кои секој родител треба да ја научи својата ќерка пред да влезе во животот:
Партнерот мора да знае да ги покаже и изрази чувствата
Инвестирање во личност која не може вербално или со дела да покаже дека ѝ е важно е долгoрoчно неодржливо. Здравите врски бараат отворена комуникација за чувствата, а изразувањето љубов и приврзаност е клучно за чувството на сигурност и вредност.
Интересот и трудот мора да бидат обострани
Врски во кои ентузијазмот не е возвратен ретко успеваат. Ако по неколку средби партнерот не поставува прашања за вас и не покажува интерес за вашиот живот, тоа е јасен знак за некомпатибилност. Најдобрите односи се базираат на взаемно почитување и интерес.
Разликувајте грижа од контрола
Постои јасна разлика помеѓу грижа и контрола. Партнерите во здрави врски се грижат еден за друг како рамноправни животни сојузници, а не како старатели и немоќна личност. Однос кој ја поддржува меѓусебната независност носи поголемо задоволство и општа благосостојба.
Личноста е поважна од физичкиот изглед
Иако физичката привлечност е важен дел од врската, не смее да биде единствена основа. Ако партнерот се фокусира само на вашиот изглед, веројатно нема да ги цени другите ваши квалитети, како интелигенција или чувство за хумор.
Не влегувајте во врска со намера да го менувате партнерот
Ако сега не ви се допаѓаат нечији навики или особини, нереално е да се очекува дека ќе се промени поради вас. Луѓето се менуваат само ако и кога сами тоа го решат.
Не се согласувајте на помалку од она што го заслужувате
Задоволувањето со „трошки“ во врската никогаш не води кон исполнетост. Љубовта треба да биде целосна, затоа не треба да се задоволувате со помалку. Важно е да не дозволите самотија или несигурност да влијаат на изборот на партнер, бидејќи таквите врски служат само за пополнување празнина. Партнерот треба да се избира од позиција на самодоверба и сигурност, барајќи некого кој ќе го надополни вашиот живот, а не некого кој ви е потребен за да се чувствувате целосни.
