Родителите можат многу сериозно да се исплашат кога детето ќе се разбуди во текот на ноќта жалејќи се на болки во нозете. Иако се работи главно за безопасна појава, може д абиде непријатна за децата кои знаат и да заплачат од болка. Таа болка се јавува на возраст помеѓу 3 и 12 години и се нарекува “болка на раст“.
Станува збор за безопасна болест, без орагнски нарушувања, која е подеднакво честа и кај девојчињата и кај момчињата во време на нивниот интензивен раст.
Болките се знак за милниви развојни нарушувања, предизвикани од брзиот раст, бидејќи мускулите и лигаментите не можат да ја следат брзината на растот на коските.
“Болките на раст“ најчесто се јавуваат како грчеви во нозете, главно во двете нозе истовремено и најсилни се навечер и во текот на ноќта. Обично траат до половина час, но понекогаш може да се присутни и неколку часа. Кај некои деца секојдневната болка може да им потрае со недели.
Важно е да научите да ја разликувате болката при раст од другите видови болка. Ако болното место не е отечено и црвено, а сте сигурни дека детето не е повредено, тогаш може да се каже дека се работи за “болка при растење“. Сепак, тоа не значи дека да не го однесете детето на лекар и да побарате стручно мислење.
Понекогаш болките во нозете, коските или мускулите може да укажуваат на некоја сериозна болест, па ако детето постојано се жали на болка на едно место, на пример, потколеницата или натколеница, треба да се јавите на лекар за да се исклучи постоење на цисти или други видови на туморските промени на коските.
Педијатарот прво ќе ве упати кај ортопед, кој ќе исклучи други можни болести, а прегледот најчесто вклучува рендген, со кој може да се откријат развојни промени на коските.
На детето му се препорачува мирување, односно нормално движење, одење во училиште, но воздржување од физички активности како трчање и скокање.
На повеќето деца не им е потребна никаква терапија, а секој лек без рецепт давајте го во консултација со педијатар. При поблаги болки може да помогне лесна масажа или топли облоги.
