Во второто и во третото тромесечие од бременоста чести се грчевите во мускулите на потколеницата. Најчесто се појавуваат навечер и го пореметуваат спиењето. Иако, точната причина за оваа појава не е позната, се верува дека е предизвикана од забавената циркулација, заморот и притисокот на матката на нервите на нозете.
ПРЕВЕНЦИЈА И САМОПОМОШ
Ова се неколку совети за намалување на непријатностите од грчевите или чувствителноста на листовите:
- Растегнете го мускулот кој ве мачи. Израмнете го коленото и нежно свиткајте ја ногата напред во ножниот зглоб.
- Движете се. Можеби на почетокот нема да ви биде пријатно, но помага во намаливањето на грчевите.
- Правите вежби со кои ќе ги растегнувате мускулите на листовите, особено пред спиење.
- Носете чорапи кои прават поддршка на нозете, особено ако стоите преку ден.
- Ставајте нешто топло на листовите.
- Масирајте ги потколениците.
- Одморајте се така да нозете ви бидат подигнати на перница или на некој друг предмет.
- Носете чевли со ниски потпетици.
Кога да побарате лекарска помош?
Доколку грчевите не престануваат, јавете се на лекар. Можеби се предизвикани од проблеми со крвотокот. Лекарска помош побарајте и ако забележите црвенило, отоци или засилена болка, или пак ако претходно сте имале проблеми со згрутчување на крвта или тромбофлебитис – пореметување при кое доаѓа до појава на згрутчување на крвта и воспаление на ѕидовите на вените.
