Хемороидите се отечени крвни садови во анусот и околу анусот или околу долниот дел на ректумот. Многу се непријатни бидејќи предизвикуваат чешање и болка, а се чести кај трудниците.
Хемороидите во бременоста се јавуваат во третиот триместар кога матката ги притиска вените или веднаш по породувањето. За да се изборите со нив, неопходно е да се сменат некои навики во исхраната и да се посети лекар.
Хемороидите може да се препознаат по болниот престој во тоалетот, по крвта на хартијата после вршење нужда, чешањето и болката во пределот на анусот што се влошува при седење. Подеднакво, може да се појави оток или грутки во областа
Како настануваат хемороидите?
Хемороидите во бременоста, но и воопшто во сите фази од животот се јавуваат како резултат на напор при извршување нужда, поради долго седење, намалено движење или поради постоечка друга анална инфекција.
Тие можат да бидат внатрешни или надворешни и во зависност од тоа каде се наоѓаат ќе зависи како се третираат. Се јавуваат кај сите возрасни групи, кај двата пола, иако се почести кај постарите од 50 години, а зачестено се јавуваат и кај трудниците.
Зошто се појавуваат хемороиди во бременоста?
Хемороидите во бременоста се јавуваат поради:
- промена во хормоните (зголемено ниво на прогестерон);
- притисок на фетусот на вените во близина на анусот;
- раст на матката;
- запек;
- породување кое влијае на зголемување на крвните садови;
- земање суплементи на железо.
Хемороидите можат да бидат внатрешни или надворешни и во зависност од тоа каде се наоѓаат ќе зависи како се третираат. Се јавуваат кај сите возрасни групи, кај двата пола, иако се почести кај постарите од 50 години, а зачестено се јавуваат и кај трудниците
Кои се симптомите на хемороиди за време на бременоста?
Хемороидите може да се препознаат по болниот престој во тоалетот, по крвта на хартијата после вршење нужда, чешањето и болката во пределот на анусот што се влошува при седење. Подеднакво, може да се појави оток или грутки во областа. Хемороидите во повеќето случаи не се опасни, не влијаат на здравјето на бебето и сами се повлекуваат по бременоста.
Како се третираат хемороидите во бременоста?
За да се повлечат хемороидите во бременоста, потребно е да се избегнува постојано седење и што повеќе да се движите, а можат да помогнат и разни креми, масла или промени во навиките во исхраната. Важно е да јадете што повеќе влакна и да пиете што повеќе течности за столицата да биде што помека. Ќе помогнат и топли (не премногу жешки) облоги со вода или камилица, кои ќе го смират отокот.
Од друга страна, отокот и болката може да се намалат и со ладни облоги неколку пати на ден. По вршење на нужда, важно е добро да се избрише анусот, а пожелно е и веднаш да се измие или да се користи влажна тоалетна хартија.
Така, хемороидите може да се третираат со помош на:
- ладни или топли облоги
- промена во исхраната
- правилна анална хигиена
- движење
Кегеловите вежби се уште еден начин да ги победите досадните хемороиди. Тие ги зајакнуваат мускулите на дното на карлицата и на тој начин ја подобруваат циркулацијата на ректалната област. Важно е да ги изведувате правилно и да не ги правите додека мокрите. Може да помогне и седење на специјална перница за хемороиди.
Кога е неопходно да се посети лекар?
Доколку хемороидите не исчезнат, важно е да посетите лекар и да побарате совет од него. Вашиот лекар може да ви препише одредени креми или супозитории кои можат да ги користат бремени жени.
Хемороидите во бременоста се нормална, но привремена појава и често поминуваат сами по себе засекогаш по породувањето. Тие можат да бидат непријатни и да предизвикаат болка или чешање, а постојат голем број начини како да се ослободите од нив. Доколку промените во навиките или облогите не помогнат во лекувањето, неопходно е да се побара совет од лекар.
