Хиперактивно дете може да покажува потешкотии во следењето на наставниот процес и усвојувањето на наставниот материјал и неопходно е да му се овозможи да учи во средина која поддржува индивидуални разлики во рамките на флексибилен, структуриран пристап, велат експертите.
На пример – да не се става детето во временски теснец, времето на решавање или пишување на тестот да се приспособи на неговите можности, почесто усно да се испрашува, да му се подели материјалот на помали делови, да се има разбирање за неговите потешкотии, поради кои понекогаш ќе функционира подобро, а понекогаш полошо на час и ќе има ” добри“ и „лоши“ денови.
Психолозите објаснуваат дека во случај кога детето е хиперактивно, тоа треба да се испрашува во првите утрински часови и на почетокот на часот и со давање помали задачи, на пример да оди да земе креда или да намокри сунѓерот, со што му се овозможува движење.
Многу е важно да се едуцираат возрасните, и родителите и наставниците кои се среќаваат со хиперактивни деца за нивните потешкотии со цел поуспешно да ги запознаат и разберат нивните карактеристики и да применат адекватен пристап, со што ќе им се овозможи здрав развој, успех и среќен детството.
Исто така, важно е да се свесни дека однесувањето на хиперактивните деца не е одраз на нивната непослушност, туку неможност да го задржат вниманието, да ги контролираат реакциите и да реагираат смирено, како и мирно да седат или да стојат на место.
