Холандија е најдобрата земја во светот кога станува збор за благосостојбата на децата, објави УНИЦЕФ во своето последно истражување. Во анализата што опфатила 43 развиени земји, регионално, Хрватска го зазела високото осмо место, со што се позиционирала подобро од Словенија.
Како се рангираат земјите
Извештајот Innocenti ги рангира земјите членки на Организацијата за економска соработка и развој (ОЕЦД) и Европската унија (ЕУ) според реалните услови во кои децата растат, а не според економските показатели или инфраструктурата. Во предвид се земени менталната благосостојба, физичкото здравје, како и вештините на децата и адолесцентите.
Иако УНИЦЕФ нагласува дека во сите земји има простор за напредок, на врвот на листата се издвоиле Холандија, Данска и Франција како држави што нудат најдобри услови во сите три анализирани категории.
20 најдобри земји за деца се:
- Холандија
- Данска
- Франција
- Португалија
- Ирска
- Швајцарија
- Шпанија
- Хрватска
- Италија
- Шведска
- Унгарија
- Австрија
- Словенија
- Јапонија
- Литванија
- Романија
- Финска
- Чешка
- Канада
- Словачка
Тајната на холандскиот успех
Холандија особено се издвојува во областа на менталното здравје на децата, кои генерално се под помал стрес во споредба со нивните врсници во другите земји. За тоа придонесуваат општеството и образовниот систем, кои поттикнуваат рамнотежа меѓу учењето и слободното време.
Голем процент тинејџери изјавуваат дека се задоволни од својот живот, а државата инвестира во здравство, квалитетно предучилишно образование и јавни услуги како библиотеки, спортски и културни содржини што го поттикнуваат здравиот развој на децата.
Дел од причините се и културолошки, објаснува Олга Мекинг, авторка на книга за холандскиот начин на живот и мајка на три деца, која таму живее веќе 15 години.
