Менталното здравје на детето е силно поврзано со видот на храната што ја консумира на дневна основа, според студијата која ја истражува важната улога на здравата исхрана од првите години од животот.
Менталното здравје на постарите школски деца особено се подобрува со земање добар појадок и ручек, како и секојдневен внес на овошје и зеленчук, според студијата на 9.000 деца во Велика Британија, спроведена на Универзитетот East Anglia во Норвич.
Според студијата, децата кои го прескокнуваат појадокот се со полошо ментално здравје, а децата кои консумираат пет или повеќе порции овошје и зеленчук дневно имаат најдобри резултати на тестовите
Проф. Аилса Велч, раководител на студијата објавена во септември, вели дека исхраната на децата има многу, па дури и повеќе ефекти врз менталното здравје на децата отколку тоа дали децата се сведоци на родителски кавги или дури и насилство.
Според студијата, децата кои го прескокнуваат појадокот се со полошо ментално здравје, а децата кои консумираат пет или повеќе порции овошје и зеленчук дневно имаат најдобри резултати на тестовите.
„Врската помеѓу исхраната и физичкото здравје е добро позната, но до денес не се знаеше многу за тоа каква улога игра исхраната во емоционалното задоволство на детето“, вели Велч.
„Постои сè поголемо признание за важноста на менталното здравје и радоста во рана возраст, особено затоа што проблемите со менталното здравје на адолесцентите често продолжуваат во зрелата возраст и водат до послаби животни резултати и достигнувања.
„Врската помеѓу исхраната и физичкото здравје е добро позната, но до денес не се знаеше многу за тоа каква улога игра исхраната во емоционалното задоволство на детето“, вели Велч
За време на тестирањето, истражувачите ги испитувале децата за навиките во исхраната, а исто така проучувале и други фактори како што се радоста, способноста за опуштање и односите со другите луѓе. Тие, исто така, земе предвид и други фактори кои можат да влијаат на благосостојбата на детето – на пример, проблематичните семејни односи.
Нутриционистите одамна истакнуваат дека здравата исхрана вклучува внес на пет порции овошје или зеленчук дневно.
Според студијата, шестгодишно дете треба да јаде 230 грама зеленчук и 210 грама овошје дневно.
На 13-годишна возраст, девојчињата треба да јадат 320 грама зеленчук и 300 грама овошје, а момчињата количина од 390, односно 360 грама.
И зеленчукот и овошјето можат да бидат сирови или варени, а внесувањето исто така се брои и кога зеленчукот и овошјето се користат за подготовка на топли оброци.
