Консумирање дури и на мали количини алкохол за време на бременоста може да го зголеми ризикот од спонтан абортус, укажува анализата на 24 студии во која учествувале над 231.000 жени.
Консумирањето алкохол во бременоста – дури и мала количина, ги зголемува шансите за спонатн абортус за 19%. Меѓу жените кои пиеле помалку од пет пијалоци неделно, секој дополнителен пијалак за време на бременоста, бил поврзан со 6% поголем ризик од спонтан абортус.
Со оглед дека голем број на жени во раната бременост се во контакт со алкохол, исклучително е важно да се знае дека неговото консумирање го зголемува ризикот од спонтан абортус.
Инаку, несаканите исходи од бременоста, како фетален алкохолен синдром, често се поврзани со поголемо консумирање на алкохол. Но, оваа метаанализа, покажала дека и скромна количина алкохол има значајно влијание на ризикот од спонтан абортус.
