Последното истражување покажува дека икањето им помага на бебињата да го регулираат дишењето и има пресудна улога во нивниот развој.
Истражувачи од универзитетскиот колеџ во Лондон (УЦЛ) кои го спровеле оса истражување, следеле 13 новороденчиња и откриле дека икањето покренува бран од мозочни сигнали кои би можеле да помогант во нивниот развој. Лоренци Фабрили, еден од авторите на ова истражување, вели дека таа активност на мозокот би можела да им помогне на бебињата да научат да ги контролираат мускулите за дишење, што на крајот резултира со самостојна контрола на дишењето.
Истражувачите потсетуваат дека фетусите и новороденчињата често икаат. Оваа појава е забележлива уште во 9. недела од бременоста, а новордените деца секој ден икаат околу 15 минути.
Новороденчињата кои биле вклучени во ова истражување имале електроди поставени на главата и сензори на торзото. Резултатите од истражувањето покажале дека контракциите во бебешката дијафрагма создале три мозочни бранови, а веруваат да преку третиот бран децата може да го поврзат икањето со физичката контракција која ја чувствуваат.
Кимберли Вајтхед која го водела ова истражување вели дека не е познато дали икањето има предности и за возрасните лица.
