Досега можеби веќе сте помислиле дека сте родител на дете кое има изразена интуиција, а она што сте го забележале можеби ве прави и малку нервозни.
Интуитивната перцепција вклучува способност за собирање на суптилни информации кои не се перцепираат директно ниту со едно од петте сетила, туку се откриваат со невидливото шесто сетило, а малите интуитивци често имаат и изразена емпатија, што ги прави навистина посебни деца.
Лицата кои имаат развиена и интуиција и емпатија често чувствуваат невидливи емоционални вибрации на други лица низ сопствениот физички и емотивен систем. Така, перцептивните деца не само што интензивно ги чувствуваат туѓите емоции, туку ги чувствуваат и толку силно што имаат тенденција да ги преземат. Затоа е важно како родител во текот на растењето да им помогнете да ја регулираат нивната емпатија за туѓите тешки ситуации и емотивна болка за да не ги оптоваруваат премногу.
Како да препознаете интуитивно дете?
Досега се фокусиравме на дефинирање на некои единствени карактеристики на интуитивно дете. Ова се прашања со чија помош може да утврдите дали вашето дете е интуитивно.
- Ви ги довршува ли детето речениците и дали ви се чини како да ви ги чита мислите?
- Го мачат ли конфликти и дали повеќе избира склад и хармонија?
- Има ли вашето дете способност да ги види работите пред да се случат?
- Ја забележува ли атмосферата во просторијата и може ли да ја одглуми?
- Дали понекогаш се жали на главоболка или болки во стомакот, а вие забележувате дека тоа е поврзано со туѓ стрес?
- Му пречи ли гласна бучава и метеж толку многу, што му се менува расположението?
- Може ли да ја почувствува напнатоста помеѓу вас и партнерот, дури и кога за тоа молчите?
- Чувствува ли напнатост за време на трауматични случувања во светот, можеби дури и црта или зборува за тоа без да знае што се случува?
- Има ли активен внатрешен живот, вклучувајќи разговори со вили, ангел чувари или измислени пријатели?
- Сака ли да престојува во природа, особено покрај вода?
Ако повеќе од 8 одговори на овие прашања се со “ДА“, подгответе се за предизвикувачко родителство затоа што вашето дете е исклучително интуитивно и емпатично и многупати ќе ги носи туѓите емоции и проблеми со него, а на вас е да го научите да чекори низ животот.
