Постојат ситуации во кои родителите лошо се чувствуваат поради сопственото дете, било кога е плачливо, или дрско или непослушно, или има навика да се фрла на под кога нешто не е по негово, па се прашуваат што погрешно прават. Работата е во тоа што секое дете е поинакво и треба родителите да имаат поинаков пристап, велат експертите.
Секое дете носи оригинален и посебен коктел на карактеристики со кои дошло на свет и бара единствен пристап во раниот формативен период. Може да имате близнаци, а секое дете да бара посебен однос. Имено, децата се разликуваат по многу димензии, но некои се лесно видливи и ако се согледаат навреме, може да биде многу полесно родителите да разберат зошто едното дете се однесува на еден начин, а другото на сосема понаков.
Може да се издвојат четири димензии по кои децата се разликуваат:
- ТЕМПЕРАМЕНТНОСТ
Некои деца се родени со повеќе енергија, па се и попродорни, а кај некои таа димензија е задскриена, имаат помалку енергија и се поповлечени.
- СЕНЗИБИЛНОСТ
Некои деца се почувствителни, со нежни системи, па им е потребно многу нежност, внимание и подолг период на нежно родителство, додека други деца од раѓање се поотпорни.
- ПОТРЕБА
Некои деца имаат поголеми потреби од првиот ден на својот живот и им е потребно повеќе време да се намират и средат. Родителството со нив трае подолго, и веројатно ќе биде подолг и периодот на доење и потешко ќе се одвојува од мајката. Останатите деца веќе на една година покажуваат голема самостојност.
- СПОСОБНОСТ
Веќе кај малите бебиња може да се види кои тешко се носат со тоа да нешто не е по нивно, силно регираат и тешко се тешат кога ќе се најдат во состојба на фрустрација. Секое дете е коктел од овие особини и затоа нема рецепт, туку е потребно да се прилагодува пристапот.
- ЧУВСТВИТЕЛНО ДЕТЕ СО ГОЛЕМИ ПОТРЕБИ
Експертите опишуваат две комбинации од големиот број на можни, за родителите да согледаат колку е важно да го познаваат своето дете и да имаат некои инфромации, без кои често се чувствуваат изгубено во родителството. Една од крајно напорните комбинации кај детето е силна темпераментност, изразена сензибилност, силна потребност и слабо справување со фрустрациите. Тоа е едноставно дете со зголемени потреби и родителите навистина треба да имаат голем капацитет, што не е лесно, ниту кај најдобро поставениот родител.
Ваквото дете има потреба од многу подолг период на доење, силно ќе плаче кога не добива она што му треба (контакт, емоционална блискост), ќе ја исцрпува мајката со неспиење, нема да ја пушта од себе до 4-5 година, во развојните фази ќе влегува подоцна и ќе траат подолго. Кога е таква состојбата, единствено што може родителот е да се ангажира, можеби многу повеќе да планира, како со родителски дополнителен напор го помине детето низ раниот формативен период и да му помогне да успее да се среди, организира и да го зајакне својот, од почеток чусвтвителен систем.
