Породувањето заврши, па помислувате дека тешкиот период поминал и дека телото треба веќе е вратено во нормала. Во повеќето слуачи тоа и навистина е така и по неколку месеци ќе се чувствувате сосема нормално. Сепак, некогаш може да појават главоболки кои и тоа како можат да го попречат вашето нормално функционирање.
Главоболки поради епидурална анестезија
Епидуралната анестезија за време на породувањето може да предизвика главоболки. Анестезиологот иглата ја боде во вашиот грб, а потоа става катетар, преку кој се внесуваат лекови, за да не чувствувате болка при породувањето. Може да се случи случајно да се боцне мембраната, па дојде до течење на церебоспинална течност. Губењето на таа течност може да доведе до главоболки по породувањето. За среќа оваа ситуација е ретка.
Хормони
Доколку претходно сте имале чести мигрени, па забележите дека во текот на бременоста исчезнале, за тоа е виновен естрогенот. Зголеменото ниво на естроген во бременоста спречува мигрена. Кога, по породувањето, нивото на естроген ќе се варти во нормала, мигрената може да се врати. Намалениот естроген, ангажманот околу бебето, нередовната исхрана и недоволната количина на сон, може да ги засилат главоболките.
Доење
Доењето може да спречи појава на главоболки, но кај некои жени се јавуваат т.н. лактациони главоболки. Поради лачење на окситоцин за време на бременоста може да дојде до појава на болки во главата. Уште една причина за болка може да бидат и преполните гради со млеко, која обично престанува веднаш штом го нахраните детето.
Причини за загриженост
Прееклампсијата или висок крвен притисок може да биде проблем и по породувањето. Ако имате неподносливи главоболки првите три дена по породувањето, веднаш поразговарајте со лекар. Главоболките често се показател за постпородилна прееклампсија, што бара лекување со лекарства за намалување на крвниот притисок.
