Викање – Колку повеќе чувствуваме стрес, толку повеќе викаме и се расправаме со домашните. Намалувањето на викањето помага, како и обидот да си посветите време едни на други. Едноставно легнете, прегрнете се и дишете. Тоа ќе ви значи и вам и на децата.
Спиење – Кога нивото на стрес е постојано зголемено, тоа во голема мера се одразува и на спиењето. Дополнително, недостигот од сон може да предизвика дополнителна нервоза и стресот да се зголемува. Ако се пронаоѓате во ова, обидете се да го промените правилото – секоја вечер ставете ги децата во кревет половина час порано, а истото направете го и вие.
Заеднички оброци – Кога вие или вашиот партнер сте под стрес или сте нервозни, многу е веројатно дека постарите деца ќе се обидат да ги избегнуваат заедничките оброци за да не налетаат на вашиот испад на бес. За заедничката вечера да биде пријатно искуство, предложете секој член на семејството да напише на лист хартија една убава работа за некој друг член на семејството и тоа да го стави во тегла. За време на оброкот извлекувајте ги хартиите и читајте наглас. Може да помогне децата повеќе да се радуваат на вечерата и е одличен начин да се пофалат за некои работи што добро ги направиле.
Повлекување – Старите деца често се затвораат во соба, а помладите престануваат да бараат да одат кај пријател или да им доаѓаат пријатели . Решението е во разговорот. Зборувајте колку можете повеќе со децата. Ако чувствувате дека сте под стрес, кажете им го тоа и известете ги дека ќе прошетате во природа за да се обидете да впиете позитивна енергија. Нека се уверат дека се обидувате да го решите тој проблем и дека не бегате од тоа.
