Адолесценцијата или тинејџерска возраст е огромен предизвик, и за родителите и за децата. Преминување од фазата дете во возрасна личност, носи низа предизвици, истражување, испитувања и на крај дефинирање на ставовите и апетитите.
Родителите наидуваат на првите знаци на непослушност, одбивање на вообичаените оброци, но и се поголемо консумирање на брза и лоша храна. Ви предлагаме неколку практични и корисни совети како вашиот тинејџер да го насочите на прав пат, лесно и трајно.
- Тинеџерите најчесто го прескокнуваат појадокот и токму поради тоа “паѓаат“ на лесно достапната брза и нездрава храна. За да го избегнете прескокнувањето на појадокот, разбудите го вашето дете порано за да може да има време да појадува, да се подготви и навреме да стигне во училиште. Направете во домот ритуал на појадување, каде сите домашни заедно ќе појадуваат.
- Многу родители грешат, обидувајќи се да ја наметнат својата воја на децата, а во овој период, бунтовноста е една од главните карактеристики на однесувањето. Зборувајте со вашето дете отворено во врска со хрната, зашто е таа важна, корисна и во исто време и штетна. Пластчно претставете му кои се последиците кои лошата храна може да ги има врз игзледот, оти децата на оваа возраст на тоа посветуваат особено внимание, па дури тогаш преминете и на прашањето за здравјето.
- Многу често децата гледаат лош пример во домот, па затоа и го следат. Литри газирани сокови, многу чоколади, бисквити, помфрит, кечап во фрижидерот се амин на детето дека овие намирници се во ред и може да ги јаде. Ако сакате вашето дете да има здрави навики почнете од себе. Немојте во домот да имате лоши намирници или истите да ги јадете пред децата. Бидете одговорни и кон себе, и на тој начин ќе му дадете пример и на своето дете, тинејџер.
Исхрана и спорт – совршен баланс
Иако добрата и квалитетена исхрана е основа, занимавањето со спорт го комплетира здравиот пристап на целокупниот стил на животот. Освен што децата кои се занимаваат со спорт имаат изразено чувство за поквалитетна храна, дружењето со други деца кои се занимаваат со спорт, но и влијанието на тренерот, значајно влијаат на изборот на намирници. Спортот го подобрува држењето, ги обликува мускулите и ги мотивира, посебно тинејџерите, да обрнат внимание и на исхраната, како би имале подобри резултати. Во случај вашето дете да не е се уште физички активно, најдете спорт кој најмногу му одговара на неговиот сензибилитет.
Бидете упорни и истрајни
Иако на прв поглед делува дека имате тешка задача, со искрен труд, работа и разговор со вашето дете ќе постигнете важни и долготрајни резултати. Бидете упорни и истрајни бидејќи вложувате во иднината на вашето дете. Лошите навики кој се стекнуваат на оваа возраст, оставаат последици и подоцна во животот, затоа ако забележите дека вашето дете има тенденција да греши во изборот на намирници, токму сега е времето да му помогнете да усови здрави модели на однесување.
