Претседателот на Здружението на инфектолози на Србија, Томислав Преведен изјави дека третата доза вакцина против коронавирус дефинитивно ќе биде неопходна и дека стручните тела во Србија треба да дадат сугестии кој треба прв да ја прими, која вакцина треба да се користи и кога.
„Во таа смисла, многу е важно граѓаните да им веруваат на институциите кои ќе направат план за третата доза“, вели за „Данас“, Томислав Преведен, инфектолог од Клиничкиот центар во Војводина.
- Тој, исто така, посочува дека помеѓу соевите на вирусот со кои заболените се заразиле, нема значајна разлика во клиничката слика, особено кај хоспитализираните пациенти
„Она што е забележливо, сепак, е влијанието на вакцинацијата, односно дека сега во болниците имаме претежно работоспособно население, средовечни и помлади, додека порано имаше многу повеќе постари лица“, рече Преведен.
Тој рече дека оваа возрасна група на население е претежно вакцинирана, така што вирусот првенствено ги погодува луѓето кои не примиле вакцина.
