Топлината може да предизвика исцрпеност и топлотен удар и може да ги влоши постојаните состојби – како што се кардиоваскуларни, респираторни, бубрежни или ментални заболувања. Несаканите влијанија на топлото време врз здравјето во голема мерка се спречуваат преку добра практика на јавно здравје, истовремено следејќи ги советите да се заштитите од корона вирус (COVID-19).
Според препораките на експертите од Институтот за јавно здравје на РСМ, за време на топлите периоди, важно е да се остане свеж и да се избегнат негативните здравствени ефекти на топлината.
Стручњаците препорачуваат и:
ЧУВАЈТЕ СЕ СВЕЖИ ЗА ВРЕМЕ НА ПОЈАВА НА КОВИД-19
Избегнувајте изложување на сонце или на температури повисоки од 25 степени, бидејќи нема докази дека ова спречува или лекува КОВИД-19 и го зголемува ризикот од сончање и болести поврзани со топлината. Може да се заразите со КОВИД-19 без оглед колку е сончево или топло времето, затоа заштитувајте се себе си и другите со тоа што редовно ќе ги миете рацете, кашлате во преклопен лакт или марамче, и избегнувајте допирање на лицето.
ЧУВАЈТЕ СЕ ОД ТОПЛИНАТА
Избегнувајте излегување и вршење напорна активност за време на најжешкиот период во текот на денот. Искористете ги предностите на специјалното време за шопинг за ранливите групи кога и да е достапно. Останете во сенка, не ги оставајте децата или миленичињата во паркирани возила. Доколку е потребно и можно, поминете 2-3 часа во денот на ладно место, почитувајќи физичко растојание од најмалку еден метар.
ДРЖЕТЕ ГО ВАШИОТ ДОМ СВЕЖ
Користете го ноќниот воздух за да го оладите домот. Во текот на денот, намалате ја оптовареноста во домот од топлина, со употреба на ролетни и исклучете што е можно повеќе електрични апарати.
ЧУВАЈТЕ ГО ТЕЛОТО ЛАДНО И ХИДРИРАНО
Користете лесна и лабава облека и постелнина, ладни тушеви или бањи, и редовно пијте вода. Избегнувајте пијалаци со шеќер, кофеин или алкохолни напивки.
