Надвор е топло и децата сакаат да се разладат. Тоа значи дека е време да се постави базен во дворот. Иако тоа е одлична забава, родителите се предупредуваат никогаш да не ги оставаат децата без надзор. Дури и само неколку сантиметри вода може да бидат смртоносни.
Задолжете една возрасна личност секогаш да внимава на децата, дури и ако е присутен спасувач. Непливачите секогаш мора да ви бидат на дофат на рака
Инструкторката по пливање Хана Смит вели: „Детските базени се одлична забава во топлите летни денови, но секогаш нека ви биде приоритет безбедноста, дури и ако базенот има само неколку сантиметри вода“.
Давењето е една од најчестите причини за случајна смрт кај децата. Затоа Смит за „The Sun“ даде неколку совети на семејствата кои планираат да користат базени за деца ова лето.
„Кога станува збор за итни случаи, секоја секунда е важна. Ако сте во странство, погрижете се дека го знаете бројот за итни случаи. Направите за пловење можат да бидат забавни, но бидете свесни дека можат да се превртат со малото внатре“, истакна таа.
Инструкторката посочува и дека водата треба да биде загреана на 30 степени Целзиусови, а ако зборуваме за бебиња помлади од 12 недели, дури и до 32 Целзиусови степени.
„Задолжете една возрасна личност секогаш да внимава на децата, дури и ако е присутен спасувач. Непливачите секогаш мора да ви бидат на дофат на рака“, додаде таа.
Кога станува збор за отворени води, студиите покажуваат дека бројката на удавени се зголемува за 70 проценти за време на топлотен бран.
„Реакцијата на ненадејно влегување во ладна вода може да предизвика низа физиолошки реакции (задишување, хипервентилација) кои брзо може да резултираат со давење. Исто така, доаѓа до нагло зголемување на крвниот притисок и оптеретување на срцето, што може да резултира со проблеми со срцето“, предупреди професорот Мајк Типтон.
