Главно, во првиот триместар желбата не е значајно изразена, како ни во текот на доцниот трети триместар, кога бебето е веќе големо, болката во долниот дел на грбот е се посилна и не е секогаш едноставно да се имаат односи, но во текот на вториот и третиот триместар, можно е под влијание на поголема циркулација до која доаѓа и во гениталните органи, желбата за сексуални односи да се зголеми.
За потребите за интимен однос, жените мораат да разговараат и со партнерот, кој може некогаш вашиот недостаток на интерес да го смета како одбивање, а од друга страна некогаш може да има и страв од однос, што вие може да го сфатите како одбивање. Разговарајте за стравовите и желбите, за различните можности и пози.
- Ако бременоста е со низок ризик и нема никакви проблеми кои може да ја комплицираат, односите не се забранети во бременоста.
- Односи треба да се избегнуваат ако постои ризик од предвремено породување, кратко грло на матката или проблеми со постелката или претходно крварење во бременоста.
- За време на оргазмот, било да дојде до него во текот на односот или без него, може да дојде до благи контракции на матката и тоа е нормално. Ако контракциите продолжат или се проследени со крварење, треба веднаш да го информирате својот лекар.
