Иако коронавирусот примарно ги напаѓа белите дробови, уште претходно се покажа дека може да предизвика и конјунктивитис. Но, потребни се дополнителни истражувања за да се анализираат абнормалностите на очите кои може да ги предизвика Ковид-19
Новото истражување покажа дека луѓето со тешка форма на Ковида-19 може да имаат и одредени абнормалности на очите. Досега беше познато дека Ковид-19 може да предизвика конјунктивитис кај некои пациенти, но истражувачите сега забележаа и грутки во очите. Експертите велат дека вирусната инфекција може да влијае на крвните садови и затоа може да се формираат овие грутчиња.
Студијата објавена во медицинското списание „Radiology“, а иницирана од Француското здружение за неврорадиологија, користела магнетна резонанца за да открие значителни абнормалности во очите на некои луѓе со тежок облик на КОВИД-19. Со студијата биле опфатени 129 пациенти. Девет од нив, или 7%, имале абнормални MRI наоди на очното јаболко. Осум пациенти биле примени на одделот за интензивна нега поради Ковид-19, а снимките откриле грутки односно чворчиња на задниот дел на окото.
Теоријата на истражувачите е дека овие грутчиња би можеле да бидат поврзани со воспаление предизвикано од вирусот и несоодветна дренажа на вените околу очите. Меѓу овие девет пациенти, многумина имале и некои постоечки медицински состојби: двајца имале дијабетес, шестмина биле дебели и двајца имле хипертензија.
Престојот на одделот за интензивна нега и хоспитализацијата воопшто може да претставува дополнителен ризик за пациентите поради лежењето, бидејќи подолгото задржување во лежечка положба може да влијае на дренажата на крвните садови, пишува „Healthline“.
Долгорочни ризици
Како и со другите новооткриени последици на коронавирус, долгорочните ризици сè уште се проценуваат во овој случај. Бидејќи во студијата учествувале мал број луѓе, потребни се дополнителни тестови кои може да ги утврдат долгорочните ризици.
Како да се лекувате?
Студијата сугерира дека луѓето кои имале тешка форма на Ковид-19 треба да одат на преглед на очите што ќе вклучува и магнетна резонанца и фундоскопија за да се провери задниот дел на окото.
Иако коронавирусот примарно ги напаѓа белите дробови, уште претходно се покажа дека може да предизвика и конјунктивитис. Но, потребни се дополнителни истражувања за да се анализираат абнормалностите на очите кои може да ги предизвика Ковид-19.
