Родителството може да биде многу исцрпувачко и за мајките и за татковците. Но, истражување открило дека мажите на жените им предизвикуваат поголем стрес од децата.
Истражувањето било направено помеѓу 7.000 мајки и покажало дека жените многу се изложени на стрес. На скала до 10, во просек тие чувствуваат 8,5. Притоа, повеќето од нив кажале дека повеќе стрес им предизвикуваат мажите, отколку децата.
Многу мајки се пожалиле дека на својата подобра половина гледаат како на “големо дете“, а не како на рамноправен партнер. Тие биле уверени дека нивниот стрес е поинаков од оној што го чувствуваат мажите.
Три четвртини од испитаничките чувствувале дека повеќето родителски обврски остануваат на нив, па поголем дел од денот минуваат грижејќи се дали ќе извршат се што треба.
Една од пет жени признала дека еден од секојдневните извори на стрес е чувството дека не добиваат доволно поддршка или помош од партнерот.
Хал Рункел, терапевт вели дека “проблемот не се мажите, туку бракот“ и тврди дека брачната заедница по природа е стресна.
“Бракот е потежок од родителството, а комбинацијата на тие две работи е рецепт за стрес“, уверува.
Од друга страна, истражување спроведено меѓу 1.500 татковци покажало дека мажите денес помагаат во одгледувањето на децата, повеќе од било кога. Но, и тие се жалат дека за тоа не добиваат доволна заслуга и две третини од нив признаваат дека имаат потреба за признание за она што ќе го направат, а не само куса реченица “добро ја направи работата“.
