Тим научници од одделот за педијатрија на Royal College of Surgeons Ireland и од Детската болница во Даблин спроведуваат истражување за да се утврди дали бебињата родени во текот на фазата на карантин и полициски час, се под зголемен ризик да развијат алергии. Тие ќе се обидат да утврдат дали пониските стапки на вирусни инфекции подобрениот квалитет на воздух, кои некои ги искусиле за време на престојот на свеж воздух држејќи социјална дистанца за време на затворањето – може да влијаат на тоа да децата кои се родени во тој период и во семејствата кои биле во самоизолација, имаат поголема или помала веројатност дека ќе развијат алергии.
Во студијата ќе бидат вклучени 1.000 бебиња кои се родени во Ирска помеѓу март и мај 2020.
“Кога детето ќе се роди, неговиот имун систем се фокусира на сите нови предизвици кои ги носи животот надвор од матката, вклучувајќи борба против инфекции и реагирање на имунизација“.
Затворањето (карантин, полициски час), претставува единствена можност за испитување на раното потекло на често доживотните болести кои се големо здравствено и социјално оптоварување, вели авторот на студијата, проф. Џонатан Харихејн.
Тој нагласува дека затворањето ја намалило количината на други вирусни инфекции кои вообичаено циркулираат во заедницата.
“Видовме помалку од половина од вообичаениот број на доаѓања во педијатриските итни служби, а стапката на сезонски грип и други доцни пролетни горно-респираторни вируси се чини значајно пониска орколк вообичаеното за тој период“, објаснува професорот по педијатрија.
