Титулата строг родител воповеќето семејство и припаѓа на мајката, покажало најново истражување, кое било спроведени меѓу 2.000 испитаници. Според него, се покажало дека повеќето мајки ја водат грижата за времето кое децата го минуваат пред телевизија, во играње игри на компјутер или телефон, количината на слатки и газирани пијалаци што ја консумираат, одењето на спиење, напишаните домашни задачи и одредени оброци. Од друга страна, татковците се тие кои се грижат за однесувањето и дисциплината на децата.
“Родителите често мораат да работат како тим кога е во прашање одгледувањето на децата, но секогаш еден родител е построг. Во повеќето случаи тоа се мајките“, стои во заклучокот на истражувањето.
Најчесто мајките се тие кои се построги, кога станува збор за домашните задачи, балансираната исхрана или излегувањата. Татковците се поопуштени по тоа прашање, но повеќе се грижат за лошто однесување на своите деца.
Студијата открила дека 4 од 10 мајки и татковци својот стил на родителство го опишуваат како благ, додека 31% од нив се сметаат за строги родители. 41% од испитаниците сметаат дека мајките се построги во семејството, додека 3 од 10 мајки мислат дека таа улога му припаѓа на таткото.
