Нова студија покажала дека повеќе од половина татковци се преправаат дека спијат за да избегнат ноќе да станат кога ќе слушнат дека бебињата плачат. Повеќето татковци признале дека се преправаат дека спијат држејќи ги очите затворени за нивната партнерка да стане наместо нив и да го смири бебето.
Во студијата учествувале преку 2.000 родители, а дури 56% од татковците признале дека намерно се преправаат дека спијат за да избегнат станување.
Многу мажи изјавиле дека сметаат оти во вакви случаи не може да ја заменат улогата на мајката, а еден од пет татковци рекле дека децата вообичаено ја бараат мајката.
На оправдувањата на мажите не е тука крајот. Три од десет мажи оправдување за нестанувањето, нашле во тоа што мора да бидат одморени за наредниот работен ден. На крај на студијата, дури 47% од родителите рекле дека ноќното станување е резервирано само за мајките, додека само 14% признале дека тоа е работа која исто така е наменета и за татковците.
