Истражување, спроведено во САД, во кое учествувале 2000 жени кои имаат деца на возраст помеѓу 5 и 12 години, покажало дека мајките секојдневно се ангажирани дури 14 часа.
Значи, нивниот работен ден трае речиси двојно подолго од стандарното осумчасовно работно време. Тие неделно активно работат 98 часа. Работниот ден им почнува најдоцна во 06:30 часот, и во континуитет трае до 20:30, а често и подолго.
Жените кои учествувале во ова истражување рекле дека се среќни ако успеат во текот на денот да одвојат барем еден час за себе.
Дури 40% од мајките многу често имаат чувство дека деновите им поминуваат во непрекинато извршување на најразлични задачи и дека на нивната листа на обврски нема крај. Секојдневните обврски им го олеснува испивањето кафе, играњето со децата, гледањето емисии за деца и Јутуб.
Истражувањето покажало дека мајките може да се поистоветат со спасувачи, бидејќи покрај редовните обврски, на нивниот грб е и целото семејство.
