Новороденчињата плачат во просек по два часа на ден. Во текот на првите неколку недели, кои се доста напорни и стресни за повеќето мајки, навистина е тешко да се идентификува вистинската причина за плачот. Како што поминува времето и сè повеќе го запознавате вашето бебе, ќе почнете да ги идентификувате неговите желби врз основа на висината на тонот на неговиот глас.
Најмногу плачат бебињата во Италија, Велика Британија, Канада и Холандија, додека бебињата во Германија, Данска и Јапонија се особено тивки
Без разлика на расположението на детето, можете да сметате на една работа: бебето во првите месеци ќе плаче повеќе отколку што очекувате. Но, еве нешто што може да ви помогне да ја задржите целата ситуација во перспектива. Една неодамнешна студија објавена во „The Journal of Pediatrics“ открива во кои земји децата најмногу плачат.
Научниците составиле скали кои укажуваат на нормална количина на плачење на бебињата во првите три месеци од животот и анализирале неколку други студии во кои биле вклучени 8.700 бебиња ширум светот. Тие сакале да дознаат повеќе за тоа колку плачат децата и дали постои некаква географска поврзаност кога станува збор за плачењето.
Без разлика на расположението на детето, можете да сметате на една работа: бебето во првите месеци ќе плаче повеќе отколку што очекувате
Откриле дека бебињата плачат околу два часа дневно во првите шест недели. Времетраењето на плачењето постепено се намалува на околу еден час дневно. Сепак, научниците заклучиле дека географијата игра голема улога во тоа колку секое бебе ќе плаче. Според резултатите, најмногу плачат бебињата во Италија, Велика Британија, Канада и Холандија, додека бебињата во Германија, Данска и Јапонија се особено тивки бебиња.
Не е изненадувачки што децата кои живееле во земји со повеќе плачење имале проблеми со колики, а бебињата во Италија, Канада и Велика Британија имале најмногу колики, кои може да се препознаат по тоа што бебето плаче по три часа дневно, најмалку три денови во неделата.
„Бебињата многу се разликуваат по тоа колку плачат во првите недели од животот, има големи, но нормални варијации. Можеме да дознаеме повеќе ако ги разгледаме културите каде што има помалку плачење и дали тоа се должи на родителството или други фактори поврзани со бременоста или генетиката“, рече Дитер Волке, кој го спроведе истражувањето. „Новата табела за плачење ќе им помогне на здравствените работници да ги уверат родителите дали бебето плаче во рамките на нормалниот опсег во првите три месеци или покажува знаци на прекумерно плачење што може да бара дополнителна проценка и дополнителна поддршка на родителите“.
