Родителите кои се загрижени што ги носат своите деца додека се многу мали во градинка или ги даваат на чување, можат да здивнат – последното истражување покажало дека децата кои се добро згрижени додека се мали, подоцна постигнуваат добри резултати на училиште.
Доколку сте нашле добра градинка со воспитувачи кои ги поттикнуваат децата да учат, да совладаат одредени вештини и проблеми и им пружаат утеха и мотивација, не плашете се дека раното одвојување ќе има негативни последици врз развојот на детето, сугерира истражувањето
Имено, децата кои одат во градинка или за нив се грижи жена која ги чува се поактивни од децата кои биле неквалитетно чувани како мали, велат истражувачите, додавајќи дека таквите деца покажуваат поголема импулсивност и подготвеност да преземаат ризици. Квалитетот на чување на децата обично се мери според времето кое децата го поминуваат во комуникација со лицата кои ги чуваат, како и топлината, поддршката и когнитивната стимулација што ја добиваат.
Долгорочната студија која ги следела децата од најрана возраст до тинејџерски години беше спроведена од Националниот институт за здравствени студии во САД. Дебора Лав Вандел од Универзитетот во Калифорнија и нејзините колеги го следеле развојот на 1.364 деца на возраст од еден месец од 1991 година. Тие го анализирале квалитетот на чување на децата, часовите поминати со нив и видот на чување во семејствата кои се разликувале по социјалниот статус.
Нејзиниот тим открил дека 40 отсто од децата биле квалитетно згрижени, а дека 90 отсто од децата поминале барем извесно време со личност која не била нивни родител до четиригодишна возраст. „Овие резултати ја нагласуваат важноста на интеракцијата помеѓу детето и лицето кое го чува“, изјави таа за „Ројтерс“.
Резултатите покажале дека децата кои добиле квалитетна и добра грижа во градинките покажуваат подобри резултати на училишните и когнитивните тестови во тинејџерските години. Исто така, овие деца имале помалку проблеми во однесувањето од нивните врсници кои добивале помалку квалитетна нега и грижа на рана возраст.
Квалитетот на грижата во градинките се мерел според тоа колку време воспитувачите поминуваат во интеракција со децата, како и според количината на топлина, поддршка и когнитивна стимулација што ја добиваат децата
Од друга страна, децата кои поголемиот дел од денот го поминувале во градинка, на 15-годишна возраст покажале малку поголема склоност кон импулсивно и ризично однесување од децата кои поминувале само дел од своето време во интеракција со воспитувачите и врсниците, се вели во написот објавен во стручното списание „Child Development“.
Квалитетот на грижата во градинките се мерел според тоа колку време воспитувачите поминуваат во интеракција со децата, како и според количината на топлина, поддршка и когнитивна стимулација што ја добиваат децата.
Истражувањето е направено со цел да се добие одговор на прашањето дали и двајцата родители треба да работат додека децата се мали и дали градинката е добро решение?
„Висококвалитетната грижа за децата обезбедува подобар училишен успех, можеби поради раното охрабрување да научат да читаат“, вели д-р Џејмс Грифин. Тој додаде дека ова позитивно влијание трае до средношколските години. Се чини дека е многу важно децата да дојдат во интеракција со своите врсници и воспитувачи уште пред да наполнат 4 години. Во исто време, квалитетот на воспитувањето, грижата и негата е исто така многу важен.
Доколку сте нашле добра градинка со воспитувачи кои ги поттикнуваат децата да учат, да совладаат одредени вештини и проблеми и им пружаат утеха и мотивација, не плашете се дека раното одвојување ќе има негативни последици врз развојот на детето, сугерира истражувањето.
