Истражување кое почнало да се проведува пред 75 години и се уште трае, открива дека среќата и успехот во животот најмногу зависат од две работи – љубовта и работната етика.
Родителите понекогаш прават грешка така што ги штитат децата од домашните работи, велејќи дека се мали и дека со нив секако ќе се занимваат кога ќе пораснат. Меѓутоа, науката покажува дека родителското делегирање на обврски уште од мали нозе и тоа како е добро за развојот на личноста.
Искуство на 724 ипитаници кои станале исклучително успешни покажало дека на нивниот развој најмногу влијаело воспитувањето во духот – “засукај ги ракавите и фрли се на работа“.
СРЕЌАТА ВО ЖИВОТОТ ЗАВИСИ ОД РАБОТНАТА ЕТИКА
Родителите додека се уште биле во пониски одделенија во основно училиште им задавле да извршуваат домашни обврски и задачи, им помагале во средување на домот, средување на дворовите, поправка на автомобилите…
Така од мали сфатиле дека мора да работат за нешто да постигнат. Стручњаците врз основа на тоа заклучиле дека обврска на родителите е да ги насочат своите деца кон работа, колку и да мислат дека со тоа ќе ги мачат или ќе им го скратат времето за играње. Но, така спонтано се градат работните навики и се негува работната етика, заради кои подоцна во животот, нема да им биде тешко да се посветат на работата и да постигнат успех.
