Резултати од нова студија покажале дека жените за два до три пати е поверојатно дека ќе страдаат од констипација (запек) за време на бременоста и веднаш по породувањето, отколку во било кое друго време во животот.
Констипацијата е честа, а ризикот од ретко празнење на цревата се зголемува со исхрана која содржи малку влакна. Како старееме, така и констипацијата е се почеста. Жените во споредба со мажите почесто имаат проблем со запек.
Ова истражување покажало дека дури 44 проценти од трудниците страдаат од запек во второто тромесечје на бременоста, а 36 проценти во третото. Зачестеноста на констипацијата по вагинално породување се зголемува на 47 проценти, а по царски рез на 57 проценти.
запекот го зголемува ризикот од хемороиди, уринарна и фекална инконтиненција, како и пролапс на органите во карлицата.
Секојдневното вежбање, балансираната исхрана богата со влакна и доволен внес на течности се најважниот начин на превенција при запек. Во бременоста, хормоните од постелката ја забавуваат работата на цревата, а зголемувањето на матката може да го отежни нормалниот проод на столицата. Истовремено, бременоста го менува начинот на кој течноста се апсорбира од цревата.
Запекот веднаш по породувањето може да биде предизвикан од недоволната физичка активност и недоволниот внес на течности по породувањето. Оштетувањата на карличните мускули за време на вагиналното породување може да доведе до проблеми со работата на цревата, како и болка во хируршката рана по царскиот рез.
